விற்பனை நிலையங்கள், மிருகக் வதைமனைகள், பந்தயப் பதிவகங்கள் (Race Bookies), கெசினோ சூதாட்டக் கூடங்கள் (Casinos) மற்றும் இரவு விடுதிகளை (Clubs) முழுமையாக மூடுவதற்கு அரசாங்கம் தீர்மானித்துள்ளது.
இதன்படி, இன்று (மே 27) முதல் எதிர்வரும் ஜூன் மாதம் 02ஆம் திகதி வரையான 'வெசக் வாரம்' (Vesak Week) முழுவதும் மேலுள்ள அனைத்து இடங்களும் மூடப்பட்டிருக்கும் என உள்நாட்டலுவல்கள், மாகாண சபைகள் மற்றும் உள்ளூராட்சிமன்ற அமைச்சு உத்தியோகபூர்வமாக அறிவித்துள்ளது.
இவ் அறிவித்தலின்படி, விசேடமாக மே மாதம் 30, 31 மற்றும் ஜூன் மாதம் 01ஆம் திகதிகளில் நாடளாவிய ரீதியில் உள்ள அனைத்து மிருகக் வதைமனைகள் மற்றும் இறைச்சிக் கடைகளை கட்டாயமாக மூடுவதற்கு நடவடிக்கை எடுக்குமாறு கேட்டுக்கொள்ளப்பட்டுள்ளது.
அத்துடன், இக்குறிப்பிட்ட தினங்களில் நாட்டிலுள்ள முன்னணி சூப்பர் மார்க்கெட்டுகளிலும் (Supermarkets) இறைச்சி விற்பனையை முற்றாக நிறுத்துவதற்கும், பந்தயப் பதிவகங்கள், கேசினோ கூடங்கள் மற்றும் இரவு விடுதிகளை மூடுவதற்கும் தேவையான அனைத்து ஏற்பாடுகளையும் உடனடியாக மேற்கொள்ளுமாறு துறைசார் அதிகாரிகளுக்கு அமைச்சு அவசர அறிவுறுத்தல் விடுத்துள்ளது.