முழுமையாக நிலைபெற்றுள்ளதன் காரணமாக, நாட்டின் தென்மேற்குப் பிராந்தியங்களில் மழை மற்றும் காற்றுடன் கூடிய காலநிலை மேலும் அதிகரிக்கக்கூடும் என வளிமண்டலவியல் திணைக்களம் இன்று விடுத்துள்ள புதிய வானிலை அறிக்கையில் எச்சரித்துள்ளது.
75 மில்லிமீற்றருக்கும் அதிக மழைவீழ்ச்சி
இதன்படி, மேல், சபரகமுவ மற்றும் வடமேல் மாகாணங்களிலும் காலி, மாத்தறை, கண்டி மற்றும் நுவரெலியா ஆகிய மாவட்டங்களிலும் அவ்வப்போது மழை அல்லது இடியுடன் கூடிய மழை பெய்யக்கூடும்.
இப்பிரதேசங்களின் சில இடங்களில் 75 மில்லிமீற்றருக்கும் (75mm) அதிக அளவிலான பலத்த மழைவீழ்ச்சி பதிவாகக்கூடும் என எதிர்பார்க்கப்படுகின்றது.
மேலும், ஊவா மாகாணத்திலும் அம்பாறை மற்றும் மட்டக்களப்பு ஆகிய மாவட்டங்களிலும் மாலை 1:00 மணிக்குப் பின்னர் ஒரு சில இடங்களில் மழை அல்லது இடியுடன் கூடிய மழை பெய்யக்கூடிய சாத்தியக் கூறுகள் காணப்படுகின்றன.
மணிக்கு 40 கி.மீ வேகத்தில் பலத்த காற்று!
மத்திய மலைநாட்டின் மேற்கு சரிவுப் பகுதிகளிலும், வடக்கு, வடமத்திய, வடமேல் மற்றும் தென் மாகாணங்களிலும் திருகோணமலை மாவட்டத்திலும் அவ்வப்போது மணிக்கு 30 முதல் 40 கிலோமீட்டர் (km/h) வேகத்தில் பலத்த காற்று வீசக்கூடும் என வளிமண்டலவியல் திணைக்களம் தெரிவித்துள்ளது.
இடியுடன் கூடிய மழை பெய்யும் சந்தர்ப்பங்களில் தற்காலிகமாக ஏற்படக்கூடிய பலத்த காற்று மற்றும் இடிமின்னல் தாக்கங்களினால் ஏற்படக்கூடிய ஆபத்துக்களைக் குறைத்துக் கொள்வதற்கு, பொதுமக்கள் அனைவரும் தேவையான பாதுகாப்பு முன்னெச்சரிக்கை நடவடிக்கைகளை உடனடியாக எடுக்குமாறு திணைக்களம் அவசரமாகக் கேட்டுக்கொண்டுள்ளது.