மற்றும் சந்தன லியனகே ஆகிய மூவருக்கும், எதிர்வரும் மார்ச் 14 ஆம் திகதி நடைபெறவுள்ள தேசிய ஒலிம்பிக் குழுவின் பொதுச்சபைக் கூட்டத்தில் பங்கேற்கத் தடை விதிக்கப்பட்டுள்ளது.
தேசிய ஒலிம்பிக் குழுவின் தலைவர் சுரேஷ் சுப்ரமணியம் இது தொடர்பான அறிவித்தலை அவர்களுக்கு விடுத்துள்ளார்.
தேசிய ஒலிம்பிக் குழுவின் யாப்பினை மீறியமை மற்றும் ஒழுக்கக்கேடான செயற்பாடுகள் தொடர்பான குற்றச்சாட்டுகள் குறித்து விசாரணை நடைபெற்று வருவதையடுத்தே இந்தத் தடை விதிக்கப்பட்டுள்ளது.
இதற்கமைய, நடைபெறவுள்ள தேசிய ஒலிம்பிக் குழுவின் உத்தியோகபூர்வ தேர்தல்களில் போட்டியிடும் வாய்ப்பையும் இவர்கள் இழக்க நேரிடும் என அந்த அறிவித்தலில் தெரிவிக்கப்பட்டுள்ளது.
குற்றச்சாட்டுகள் என்ன?
இலங்கை தேசிய ஒலிம்பிக் குழுவின் வங்கி கணக்கு தொடர்பில், சம்பந்தப்பட்ட வங்கிக்கு ஆதாரமற்ற தகவல்களை வழங்கி, குறித்த கணக்கை தற்காலிகமாக முடக்குவதற்கு இவர்கள் நடவடிக்கை எடுத்துள்ளனர்.
இதன் காரணமாக ஒலிம்பிக் குழுவின் நிதி முகாமைத்துவத்தில் ஏற்பட்ட சிக்கல்கள், ஒலிம்பிக் குழுவின் நற்பெயருக்கு ஏற்பட்ட களங்கம் மற்றும் இந்தச் செயற்பாட்டின் யாப்புக்கு முரணான தன்மை ஆகியவற்றை மையப்படுத்தியே, தேசிய ஒலிம்பிக் குழுவின் ஒழுக்காற்றுக் குழு முன்னிலையில் இவர்களுக்கு எதிராக முறைப்பாடு செய்யப்பட்டு விசாரணை நடைபெற்று வருகின்றது.
சர்வதேச ஒலிம்பிக் குழுவின் தலையீடு
சர்வதேச ஒலிம்பிக் குழு மற்றும் ஆசிய ஒலிம்பிக் சம்மேளனம் ஆகியவற்றின் கூட்டறிக்கையின்படி, தேசிய ஒலிம்பிக் குழுவின் கீழ் விசாரணைகளுக்கு உட்பட்டுள்ள எந்தவொரு உறுப்பினர் அல்லது அதிகாரியும், ஒலிம்பிக் இயக்கத்தின் நல்லாட்சி மற்றும் அறநெறித் தரநிலைகளின்படி, பொதுச்சபைக் கூட்டங்களில் பங்கேற்பதோ அல்லது தேர்தல் போட்டிகளில் போட்டியிடுவதோ தடைசெய்யப்பட்டுள்ளது.
இந்தத் தடை விதிக்கப்பட்ட மூவரும் பிரதிநிதித்துவப்படுத்தும் தேசிய சங்கங்கள் அல்லது சம்மேளனங்கள், குறித்த விசேட பொதுச்சபைக் கூட்டத்தில் பங்கேற்பதற்கு எந்தத் தடையும் இல்லை.
எனினும், அந்தச் சங்கங்கள் தங்களுக்குப் பதிலாக மாற்றுப் பிரதிநிதிகள் மூவரை பொதுச்சபைக்கு அனுப்பி வைக்க வேண்டும் என குறித்த அறிவித்தலில் வலியுறுத்தப்பட்டுள்ளது.