மே மாதம் இறுதி வரை எரிபொருள் இருப்பு உறுதி செய்யப்பட்டுள்ளது!

சந்தையில் ஸ்திரமற்ற நிலை காணப்பட்ட போதிலும், இலங்கையின் எரிபொருள் விநியோகத்தைப் பாதுகாப்பதற்கான நடவடிக்கைகள் பலப்படுத்தப்பட்டுள்ளதாக லங்கா பெட்ரோலிய கூட்டுத்தாபனம் (CPC) தெரிவித்துள்ளது.

• எரிபொருள் இருப்பு: பெட்ரோல், டீசல், ஜெட் ஏ-1 விமான எரிபொருள் மற்றும் கச்சா எண்ணெய் (Crude oil) ஆகியவற்றை மே மாதம் இறுதி வரை தங்குதடையின்றி வழங்குவதற்குத் தேவையான போதிய இருப்புகளை கூட்டுத்தாபனம் ஏற்கனவே உறுதி செய்துள்ளது என்று அதன் தலைவர் டி.ஜே.ராஜகருண தெரிவித்தார்.

• கொள்முதல் முறை: நீண்டகால கொள்முதல் ஒப்பந்தங்கள் மற்றும் 'ஸ்பொட் மார்க்கெட்' (Spot market) மூலமான உடனடி கொள்முதல் ஆகிய இரண்டையும் பயன்படுத்தி இந்த விநியோகம் சீர் செய்யப்பட்டுள்ளது.

• நிதி செலுத்துதல்: குறிப்பிட்ட காலப்பகுதிக்குத் தேவையான அனைத்து எரிபொருள் கப்பல்களுக்கான கொடுப்பனவுகளும் ஏற்கனவே செலுத்தப்பட்டுள்ளதாக அவர் மேலும் குறிப்பிட்டார்.

சர்வதேச சந்தையில் நிலவும் நிச்சயமற்ற தன்மையால் ஏற்படக்கூடிய விநியோகப் பாதிப்புகளைக் குறைத்து, சந்தையின் ஸ்திரத்தன்மையைப் பேணுவதே இந்த மூலோபாயத்தின் நோக்கம் என அதிகாரிகள் சுட்டிக்காட்டியுள்ளனர்.

இன்று பிற்பகல் நாட்டை வந்தடையும் பாரிய கச்சா எண்ணெய் கப்பல்

மத்திய கிழக்கில் போர் மோதல்கள் ஆரம்பமானதன் பின்னர், இலங்கைக்கு வருகை தரும் இரண்டாவது கச்சா எண்ணெய் கப்பல் இன்று (26) பிற்பகல் நாட்டை வந்தடையவுள்ளதாக இலங்கை பெற்றோலிய களஞ்சிய முனைய நிறுவனம் (CPSTL) தெரிவித்துள்ளது.

இந்தக் கப்பலின் மூலம் 90,000 மெட்ரிக் தொன் கச்சா எண்ணெய் இலங்கைக்குக் கொண்டு வரப்படுவதாக அதன் மேலாண் பணிப்பாளர் கலாநிதி மயூரு நெத்திகுமார் தெரிவித்தார்.

இதன்படி, ஏப்ரல் மாதத்திற்குத் தேவையான கச்சா எண்ணெய் அளவு, இன்று வருகை தரும் கப்பலுடன் பூர்த்தியடைந்துள்ளதாக பெற்றோலிய களஞ்சிய முனைய நிறுவனத்தின் மேலாண் பணிப்பாளர் கலாநிதி மயூரு நெத்திகுமார் மேலும் குறிப்பிட்டுள்ளார்.