அனர்த்த நிவாரண உத்தியோகத்தர்கள் நாளை முதல் தொழிற்சங்க நடவடிக்கை!

பணிகளிலிருந்து விலகி, தொழிற்சங்க நடவடிக்கையை ஆரம்பிக்கத் தீர்மானித்துள்ளன.

அனைத்து இலங்கை அனர்த்த நிவாரண சேவை உத்தியோகத்தர் சங்கம், தொழில்நுட்ப உத்தியோகத்தர்கள் சங்கம் மற்றும் கிராம உத்தியோகத்தர் சங்கங்கள் இணைந்து வெளியிட்டுள்ள கூட்டு அறிக்கையிலேயே இவ்விடயம் தெரிவிக்கப்பட்டுள்ளது.

‘டிட்வா’ (Ditwa) சூறாவளி காரணமாக ஏற்பட்ட பாரிய அனர்த்தம் இடம்பெற்று 93 நாட்கள் கடந்துள்ள போதிலும், அந்தக்காலம் முழுவதும் அனர்த்த நிவாரண சேவை உத்தியோகத்தர்களும் கிராம உத்தியோகத்தர்களும் இரவு பகல் பாராது அர்ப்பணிப்புடன் பணியாற்றியுள்ளதாக அச்சங்கங்கள் சுட்டிக்காட்டியுள்ளன. அரசாங்கத்திற்கும் பாதிக்கப்பட்ட மக்களுக்கும் இடையில் பிரதான ஒருங்கிணைப்பாளர்களாக இவர்கள் செயற்பட்டு வந்துள்ளனர்.

அதேபோல், அனர்த்தம் தொடர்பான இழப்பீடுகள் மற்றும் கொடுப்பனவுகளுக்கான மதிப்பீடுகளைத் தயாரிப்பதில் தொழில்நுட்ப உத்தியோகத்தர்கள் களமட்டத்தில் விசேட பங்களிப்பை வழங்கி வருவதாகவும் அந்த அறிக்கையில் குறிப்பிடப்பட்டுள்ளது.

தாம் ஆற்றியுள்ள இந்த பாரிய சேவைக்கு ஈடாக நிலவும் பிரச்சினைகள் தொடர்பில் அரசாங்கம் போதிய கவனம் செலுத்தவில்லை என்பதன் காரணமாகவே, இந்த கூட்டு தொழிற்சங்க நடவடிக்கையில் ஈடுபட தீர்மானித்துள்ளதாக அச்சங்கங்கள் மேலும் வலியுறுத்தியுள்ளன.