தொகைமதிப்பு மற்றும் புள்ளிவிபரத் திணைக்களம் தெரிவித்துள்ளது.
2026 ஆம் ஆண்டு ஜனவரி மாதத்திற்கான உத்தியோகபூர்வ வறுமைக் கோட்டுத் தரவுகளை வெளியிடுகையிலேயே திணைக்களம் இதனைக் குறிப்பிட்டுள்ளது.
இந்தத் தரவுகளின்படி, அடிப்படைத் தேவைகளைப் பூர்த்தி செய்வதற்கான அதிகூடிய மாதாந்தச் செலவு கொழும்பு மாவட்டத்தில் 18,044 ரூபாவாகப் பதிவாகியுள்ளது. அதேவேளை, மிகக்குறைந்த செலவு மொனராகலை மாவட்டத்தில் 15,997 ரூபாவாகக் காணப்படுகின்றது.
உணவு மற்றும் உணவுசாரா அடிப்படைத் தேவைகளைப் பூர்த்தி செய்வதற்கு ஒருவருக்குத் தேவைப்படும் குறைந்தபட்ச செலவீனத்தையே இந்த வறுமைக் கோடு பிரதிபலிக்கின்றது. பணவீக்கம் மற்றும் வாழ்க்கைச் செலவு மாற்றங்களுக்கு ஏற்ப இச்சுட்டெண் மாதாந்தம் திருத்தியமைக்கப்படுகின்றது.
2012/13 ஆம் ஆண்டின் குடும்ப வருமானம் மற்றும் செலவீனக் கணக்கெடுப்பினை அடிப்படையாகக் கொண்டு இந்த உத்தியோகபூர்வ வறுமைக் கோட்டுத் தரவுகள் இற்றைப்படுத்தப்பட்டுள்ளதாக தொகைமதிப்பு மற்றும் புள்ளிவிபரத் திணைக்களம் மேலும் தெரிவித்துள்ளது.
தேசிய நுகர்வோர் விலைச் சுட்டெண்ணை (NCPI) பயன்படுத்தி, மாவட்டங்களுக்கிடையிலான வில வேறுபாடுகளுக்கு அமைய மாவட்ட ரீதியிலான வறுமைக் கோடுகள் மீள் மதிப்பீடு செய்யப்பட்டுள்ளதாகவும் அத்திணைக்களம் சுட்டிக்காட்டியுள்ளது.