பொருளாதார கட்டமைப்பையே மாற்றியமைக்கும் ஒரு அதிரடித் திட்டத்தை முன்மொழிந்துள்ளார்.
தற்போதைய வருமான வரி முறையை ஒழித்துவிட்டு, அதற்கு பதிலாக வெளிநாடுகள் செலுத்தும் இறக்குமதி வரிகளை கொண்டு அரசு நிர்வாகத்தை நடத்தப்போவதாக அவர் அறிவித்துள்ளார்.
சமீபத்தில் ட்ரம்ப் விதித்த இறக்குமதி வரிகள் சட்டவிரோதமானது என அமெரிக்க உச்ச நீதிமன்றம் தீர்ப்பளித்தது.
இதனை "மிகவும் துரதிர்ஷ்டவசமானது" என்று குறிப்பிட்ட ட்ரம்ப், இந்த தீர்ப்பு தனது கரங்களை வலுப்படுத்தியுள்ளதாக கூறினார்.
புதிய சட்டப்பிரிவுகளின் கீழ் தான் விதிக்கப்போகும் வரிகள், முந்தைய வரிகளை விட "மிகவும் மோசமானதாக" இருக்கும் என்பதை உலக நாடுகள் உணர்ந்துள்ளதால், அவை ஏற்கனவே செய்துகொண்ட வர்த்தக ஒப்பந்தங்களை தொடர விரும்புவதாக அவர் தெரிவித்தார்.
"வெளிநாடுகள் செலுத்தும் இறக்குமதி வரிகள், எதிர்காலத்தில் அமெரிக்க மக்களின் வருமான வரிச் சுமையை முழுமையாக நீக்கும். இது ஒரு காலத்தில் வெற்றிகரமாக இருந்த முறை, மீண்டும் அதை அமல்படுத்துவேன்," என்று ட்ரம்ப் முழங்கினார்.
மற்ற நாடுகள் அமெரிக்காவை நீண்டகாலமாக ஏமாற்றி வந்ததாகவும், தற்போது அந்த நாடுகள் சரியான வர்த்தக உடன்படிக்கைக்கு வந்துள்ளதாகவும் அவர் குறிப்பிட்டார்.
தன்னுடைய இறக்குமதி வரி மிரட்டல்தான் பல சர்வதேச போர்களை தடுத்து நிறுத்தி அமைதியை கொண்டு வந்துள்ளதாக ட்ரம்ப் பெருமிதத்துடன் தெரிவித்தார்.
புதிய வரி விதிப்புகளுக்கு நாடாளுமன்றத்தின் ஒப்புதல் தேவையில்லை என்றும், ஏற்கனவே நடைமுறையில் உள்ள சட்டங்களே போதுமானது என்றும் அவர் விளக்கம் அளித்துள்ளார்.
'ஆட்சிப் பொறுப்பேற்று ஓராண்டு காலத்திலேயே, யாரும் பார்த்திடாத ஒரு மாற்றத்தை நாம் அடைந்துள்ளோம் என்று என்னால் பெருமையுடன் கூற முடியும். உண்மையிலேயே இது ஒரு யுகத்திற்கான திருப்பம்' என்றும் டிரம்ப் தெரிவித்துள்ளார்.
தொடர்ந்து டிரம்ப் பேசியதாவது;
"அமெரிக்கப் பொருளாதாரம் முன்னெப்போதும் இல்லாத வகையில் வலுப்பெற்று வருகிறது. அமெரிக்க எல்லைகள் தற்போது மிகவும் பாதுகாப்பாக உள்ளது. அமெரிக்காவின் எதிரிகள் பீதியில் இருக்கின்றனர். அமெரிக்க ராணுவமும், போலீசாரும், முன்னெப்போதும் இல்லாததை விட மிகவும் வலிமை பெற்றுள்ளன. உலக அரங்கில் அமெரிக்காவுக்கு மீண்டும் மரியாதையை கிடைத்துள்ளது.
"நான் மீண்டும் தேர்தலில் வெற்றி பெற்று, வெள்ளை மாளிகைக்கு வந்தபோது, நாடு இக்கட்டான சூழலில் இருந்தது. ஆனால், கடந்த ஓராண்டில் ஒரு பெரிய மாற்றத்தை ஏற்படுத்தியுள்ளேன். ஆட்சிப் பொறுப்பேற்று ஓராண்டு காலத்திலேயே, யாரும் பார்த்திடாத ஒரு மாற்றத்தை நாம் அடைந்துள்ளோம் என்று என்னால் பெருமையுடன் கூற முடியும். உண்மையிலேயே இது ஒரு யுகத்திற்கான திருப்பம்.
“ஓராண்டுக்கு முன்பு தான் பதவியேற்றபோது இருந்த பொருளாதார தேக்கநிலை, பணவீக்கம் மற்றும் எல்லைப் பிரச்னைகளுக்கு தற்போது தீர்வு காணப்பட்டுள்ளது. வரும் காலங்களில் அமெரிக்கா இன்னும் சிறப்பாகவும், மேன்மையாகவும் செயல்படப் போகிறது. இது அமெரிக்காவின் பொற்காலம்" என்று அவர் கூறினார்.
'கடந்த ஓராண்டில் நான் 8 போர்களை தடுத்து நிறுத்தியுள்ளேன். இந்தியா பாகிஸ்தான் போரை நான் தடுத்து நிறுத்தி இருக்காவிட்டால், மூன்றரை கோடி பேர் பலியாகி இருப்பர் என்று பாகிஸ்தான் பிரதமர் என்னிடம் கூறினார்” என்றார்.