ரீதியான தலையீடுகளை மேற்கொண்டு வருகின்ற போதிலும், அவரை மீண்டும் நாட்டுக்குக் கொண்டு வருவது என்பது ஒரு எளிய நடைமுறை அல்ல என அமைச்சரவைப் பேச்சாளர் கலாநிதி நலிந்த ஜயதிஸ்ஸ தெரிவித்தார்.
வழக்குகள் தொடரும்: அர்ஜுன மகேந்திரன் நாட்டில் இல்லாத போதிலும், அவருக்கு எதிரான சட்ட நடவடிக்கைகள் மற்றும் வழக்கு விசாரணைகள் இடைவிடாது முன்னெடுக்கப்பட்டு வருவதாக அமைச்சர் தெரிவித்தார்.
"அவரை இலங்கைக்குக் கொண்டு வருவதற்குத் தேவையான இராஜதந்திர ரீதியான முயற்சிகளை அரசாங்கம் எடுத்து வருகின்றது. அவரை விரைவில் நாட்டுக்குக் கொண்டு வருவதற்கான இராஜதந்திர நடவடிக்கைகளை முன்னெடுத்துள்ளோம். இது ஒரு சிக்கலான நடைமுறை என்றாலும், அவர் நாட்டில் இருந்தாலும் இல்லாவிட்டாலும் வழக்குகளை நாங்கள் தொடர்வோம்" என அவர் குறிப்பிட்டார்.
பிணைமுறி மோசடிகுற்றச்சாட்டுகள் தொடர்பாகப் பொறுப்புக்கூற வேண்டிய எவரும் சட்டத்திலிருந்து தப்பிக்க அனுமதிக்கப்பட மாட்டார்கள் என உறுதியளித்த அமைச்சர், தவறிழைத்த அனைவரையும் சட்டத்தின் முன் நிறுத்துவதே அரசாங்கத்தின் நோக்கம் என்றும் கூறினார்.