புதிய பயங்கரவாத எதிர்ப்புச் சட்டம்: ஐரோப்பிய ஒன்றியம் கவலை!

அரசாங்கத்திடம் வெளிப்படுத்தியுள்ளதுடன், பயங்கரவாதம் குறித்த வரைவிலக்கணத்தை சர்வதேச தரத்திற்கு அமைய மட்டுப்படுத்துமாறும் கோரிக்கை விடுத்துள்ளது.

1979ஆம் ஆண்டு அறிமுகப்படுத்தப்பட்ட தற்காலிக பயங்கரவாதத் தடைச் சட்டத்திற்கு (PTA) மாற்றீடாக, இந்த 'அரசின் பாதுகாப்பிற்கான பயங்கரவாத எதிர்ப்புச் சட்டம்' (PSTA) கொண்டுவரப்படவுள்ளது.

தற்போதுள்ள சட்டமானது மனித உரிமை மீறல்கள், தன்னிச்சையான கைதுகள் மற்றும் கருத்துச் சுதந்திரத்தை நசுக்குதல் போன்ற குற்றச்சாட்டுகளுக்கு உள்ளாகி வருகின்ற நிலையில், புதிய சட்டத்தை அறிமுகப்படுத்த அரசாங்கம் நடவடிக்கை எடுத்துள்ளது.

முன்னைய ரணில் விக்ரமசிங்க அரசாங்கத்தினால் தயாரிக்கப்பட்ட சட்டமூலத்திற்குப் பதிலாக, ஜனாதிபதி அநுர குமார திஸாநாயக்க தலைமையிலான தற்போதைய அரசாங்கம் இந்த புதிய சட்டமூலத்தை பொதுமக்களின் கருத்துக்களுக்காக முன்வைத்துள்ளது.

இது குறித்து கருத்துத் தெரிவித்துள்ள அதிகாரி ஒருவர், பயங்கரவாதம் என்பதற்கான வரைவிலக்கணம் மிகவும் விரிவாக உள்ளதாக விமர்சகர்கள் சுட்டிக்காட்டியுள்ளதாகத் தெரிவித்தார்.

குறிப்பாக, பொதுமக்களை அச்சுறுத்தல் அல்லது பீதியை ஏற்படுத்துதல் போன்ற சொற்பதங்கள் தன்னிச்சையாகப் பயன்படுத்தப்படலாம் எனவும், இது அமைதிப் போராட்டங்கள் மற்றும் சிவில் சமூகச் செயற்பாடுகளைக் குற்றமாக்கும் அபாயத்தை ஏற்படுத்துவதாகவும் ஐரோப்பிய ஒன்றியம் சுட்டிக்காட்டியுள்ளது.

தற்போதுள்ள சட்டத்தைப் போலவே, புதிய சட்டமூலமும் நீண்டகாலத் தடுப்புக்காவல் மற்றும் பொலிஸாருக்கு மேலதிக அதிகாரங்களை வழங்குகின்றமை குறித்து மனித உரிமை அமைப்புகள் அச்சம் வெளியிட்டுள்ளன.

எவ்வாறாயினும், சர்வதேச தரத்திற்கு அமைய பயங்கரவாதக் குற்றங்களை வகைப்படுத்தும் பணிகளில் நீதி அமைச்சு தற்போது ஈடுபட்டு வருகின்றது.

இலங்கை ஜி.எஸ்.பி பிளஸ் (GSP+) வரிச் சலுகையைத் தொடர்ந்தும் பெற்றுக்கொள்வதற்கு, தற்போதைய பயங்கரவாதத் தடைச் சட்டம் நீக்கப்பட்டு, சர்வதேச தரத்திற்கு இணையான புதிய சட்டம் இயற்றப்பட வேண்டும் என்பது ஐரோப்பிய ஒன்றியத்தின் பிரதான நிபந்தனையாக உள்ளமை குறிப்பிடத்தக்கது.