களனி, களு மற்றும் அத்தனகலு ஓயா பகுதி மக்களுக்கு அவசர வெள்ள அபாய எச்சரிக்கை!

சிறிய அளவிலான வெள்ள அபாய எச்சரிக்கை (Minor Flood Warning), மேலும் அடுத்த 24 மணித்தியாலங்களுக்கு நீடிக்கப்பட்டுள்ளதாக நீர்ப்பாசனத் திணைக்களம் அறிவித்துள்ளது.

களனி கங்கை படுக்கையில் அதிகூடிய மழைவீழ்ச்சி

கடந்த 24 மணித்தியாலங்களுக்குள் பதிவான மழைவீழ்ச்சித் தரவுகளின்படி, நாட்டின் அதிகூடிய மழைவீழ்ச்சி களனி கங்கை படுக்கையை அண்மித்த பகுதிகளிலேயே பதிவாகியுள்ளதாக அந்தத் திணைக்களம் சுட்டிக்காட்டியுள்ளது.

மேலும், களனி கங்கை, களு கங்கை மற்றும் அத்தனகலு ஓயா ஆகிய நீர்நிலைகளின் நீரேந்துப் பகுதிகளில் இன்றும் 50 மில்லிமீற்றர் முதல் 100 மில்லிமீற்றர் (50mm - 100mm) வரையிலான பலத்த மழை பெய்யக்கூடும் என எதிர்பார்க்கப்படுகின்றது.

குறைவடையும் நீர்மட்டம்; ஆனாலும் ஆபத்து இன்னும் நீங்கவில்லை!

தற்போதைய கள நிலவரங்களின்படி, குறிப்பிட்ட பிரதான ஆறுகளின் நீர்மட்டம் படிப்படியாகக் குறைவடைந்து வருவதுடன், நீர்மட்டத்தில் திடீர் பாரிய அதிகரிப்பு எதுவும் தற்போதைக்குக் காண்பிக்கப்படவில்லை என நீர்ப்பாசனத் திணைக்களம் நிம்மதியூட்டும் தகவலையும் வெளியிட்டுள்ளது.

• களனி கங்கை நிலவரம்: ளனி கங்கையின் நாகலகம வீதி நீர்மானிப் பகுதியில் நீர்மட்டம் படிப்படியாகக் குறைவடைந்து வருவதுடன், அங்கு மேலும் நீர்மட்டம் அதிகரிப்பதற்கான அறிகுறிகள் தென்படவில்லை.

• களு கங்கை நிலவரம்: களு கங்கையின் எல்லகாவ மற்றும் மில்லகந்த ஆகிய நீர்மானிப் பகுதிகளிலும் நீர்மட்டம் தற்போது படிப்படியாகக் குறைவடைந்து வருகின்றது.

பொதுமக்களுக்கு விடுக்கப்பட்டுள்ள இறுதி எச்சரிக்கை:

ஆறுகளின் நீர்மட்டம் தற்காலிகமாகக் குறைவடைந்து வந்த போதிலும், பிராந்தியங்களில் மீண்டும் பலத்த மழைவீழ்ச்சி பதிவாகும் பட்சத்தில் களனி கங்கை, களு கங்கை மற்றும் அத்தனகலு ஓயா ஆகிய நீர்நிலைகள் திடீரெனப் பெருக்கெடுத்து மீண்டும் வெள்ள அபாயம் ஏற்படுவதற்கான சாத்தியக்கூறுகள் இன்னும் காணப்படுகின்றன.

எனவே, இந்த நீர்நிலைகளை அண்மித்து மற்றும் அதன் தாழ்நிலப் பகுதிகளில் வாழும் பொதுமக்கள் அனைவரும் தொடர்ந்து மிகுந்த விழிப்புடனும் அவதானத்துடனும் செயற்படுமாறு நீர்ப்பாசனத் திணைக்களம் வலியுறுத்திக் கேட்டுக்கொண்டுள்ளது.