உட்பட்ட பல பிரதேசங்களுக்கு தேசிய கட்டிட ஆராய்ச்சி நிறுவனம் (NBRO) நிலச்சரிவுக்கான முன்கூட்டிய எச்சரிக்கைகளை விடுத்துள்ளது.
இதன்படி, கேகாலை மற்றும் இரத்தினபுரி மாவட்டங்களின் பல பகுதிகளுக்கு 3ஆம் கட்ட உத்தியோகபூர்வ சிவப்பு எச்சரிக்கை (Level 3 - Red Alert) விடுக்கப்பட்டு, மக்கள் உடனடியாக பாதுகாப்பான இடங்களுக்கு வெளியேறுமாறு அறிவுறுத்தப்பட்டுள்ளனர்.
உடனடியாக வெளியேற வேண்டிய 'சிவப்பு வலய' பிரதேசங்கள்:
-
கேகாலை மாவட்டம்: தெரணியகல, ருவன்வெல்ல மற்றும் தெஹியோவிட்ட.
-
இரத்தினபுரி மாவட்டம்: எஹெலியகொட, குருவிட்ட, அயகம மற்றும் இரத்தினபுரி.
மேற்குறிப்பிட்ட பகுதிகளில் வாழும் மக்கள் நிலச்சரிவு, பாறைகள் சரிந்து விழுதல் மற்றும் மண் சரிவு போன்ற அனர்த்த அறிகுறிகள் தென்படும் பட்சத்தில், உடனடியாக அவ்விடங்களிலிருந்து பாதுகாப்பான இடங்களுக்கு வெளியேறுமாறு கேட்டுக்கொள்ளப்பட்டுள்ளனர்.
2ஆம் கட்ட 'அம்பர்' நிற எச்சரிக்கை – அவதானமாக இருக்க வேண்டிய பகுதிகள் (Level 2 - Watch):
பின்வரும் பிரதேசங்களில் வாழும் மக்கள் மிகவும் அவதானத்துடன் செயற்படுமாறு 2ஆம் கட்ட எச்சரிக்கை விடுக்கப்பட்டுள்ளது:
-
கொழும்பு மாவட்டம்: சீதாவக்க மற்றும் பாதுக்க.
-
கம்பஹா மாவட்டம்: அத்தனகல்ல.
-
களுத்துறை மாவட்டம்: புளத்சிங்கள, ஹொரண, இங்கிரிய மற்றும் பாலின்தநுவர.
-
கேகாலை மாவட்டம்: எட்டியாந்தோட்டை.
-
இரத்தினபுரி மாவட்டம்: பெல்மடுளை, கிரியெல்ல, எலபாத்த, கலவானை மற்றும் நிவித்திகல.
முதலாம் கட்ட 'மஞ்சள்' நிற எச்சரிக்கை – விழிப்புடன் இருக்க வேண்டிய பகுதிகள் (Level 1 - Vigilance):
நிலச்சரிவு அபாயம் குறித்து ஆரம்பக்கட்ட விழிப்புடன் இருக்குமாறு பின்வரும் பிரதேசங்களுக்கு முதலாம் கட்ட எச்சரிக்கை விடுக்கப்பட்டுள்ளது:
-
கம்பஹா மாவட்டம்: மீரிகம மற்றும் திவுலபிட்டிய.
-
களுத்துறை மாவட்டம்: அகலவத்தை மற்றும் (மத்துகம.
-
கேகாலை மாவட்டம்: புலத்கொஹுபிட்டிய.
-
நுவரெலியா மாவட்டம்: அம்பகமுவ.
சீரற்ற காலநிலை தொடரும் பட்சத்தில், அனர்த்த முகாமைத்துவப் பிரிவினரின் அறிவுறுத்தல்களைப் பின்பற்றி அவசரத் தேவைகளுக்கு தயாராக இருக்குமாறு பொதுமக்கள் கேட்டுக்கொள்ளப்பட்டுள்ளனர்.