இலங்கை மற்றும் ஈரான் வெளிவிவகார அமைச்சர்களுக்கு இடையில் தொலைபேசி உரையாடல்

அரக்ச்சியுடன் (Abbas Araghchi) தொலைபேசி உரையாடல் ஒன்றை மேற்கொண்டுள்ளார்.

இந்தத் தொலைபேசி உரையாடலின் போது, IRIS Dena கப்பலின் மாலுமிகளை மீட்பு நடவடிக்கையில் இலங்கை அரசாங்கம் மேற்கொண்ட முயற்சிகளுக்கும், அந்தக் கப்பலின் ஊழியர்கள் மற்றும் ஏனைய ஈரானிய கடற்படை அதிகாரிகளின் உடல்களை ஈரானுக்குத் திருப்பி அனுப்புவதற்கு வழங்கிய ஒத்துழைப்பிற்கும் ஈரானிய வெளிவிவகார அமைச்சர் தனது நன்றியைத் தெரிவித்துள்ளதாக இலங்கையிலுள்ள ஈரானிய தூதரகம் தெரிவித்துள்ளது.

அமெரிக்காவின் தாக்குதல் குறித்த ஈரானின் நிலைப்பாடு:

அமெரிக்காவினால் IRIS Dena கப்பல் மீது நடத்தப்பட்ட தாக்குதலானது முன்னெப்பொழுதும் இல்லாத ஒரு போர்க்குற்றம் என அமைச்சர் அப்பாஸ் அரக்ச்சி இதன்போது சுட்டிக்காட்டினார்.

இது சர்வதேச மனிதாபிமான சட்டத்தின் அடிப்படை விதிகள் மற்றும் 1949 ஜெனிவா உடன்படிக்கைகளை கடுமையாக மீறும் செயலாகும் என்றும், இந்த குற்றத்தை ஈரான் ஒருபோதும் மறக்காது என்றும் அவர் வலியுறுத்தினார்.

மேலும், இந்த குற்றவாளிகள் மற்றும் பொறுப்பானவர்களை சட்டத்தின் முன் நிறுத்துவதற்கு தேவையான அனைத்து சட்ட மற்றும் அரசியல் வழிமுறைகளையும் ஈரான் பயன்படுத்தும் என்றும் அவர் தெரிவித்தார்.

இலங்கையிலுள்ள ஈரானிய தூதரகம் வெளியிட்டுள்ள அறிக்கையின்படி, அமைச்சர்களான அப்பாஸ் அரக்ச்சி மற்றும் விஜித ஹேரத் ஆகியோர் இருதரப்பு உறவுகள் மற்றும் பிராந்திய முன்னேற்றங்கள் குறித்தும் கலந்துரையாடியுள்ளனர்.