முன்னாள் ஜனாதிபதியின் பாரியார் ஷிரந்திக்கு FCIDயிடமிருந்து பிறந்தநாள் பரிசு!

முன்னாள் ஜனாதிபதியின் பாரியாரான ஷிரந்தி விக்ரமசிங்க ராஜபக்ஷவின் பிறந்த தினம் இன்றாகும். இந்நிலையில், அதே தினத்தில் அவருக்கு நிதி குற்றப்புலனாய்வு பிரிவிடமிருந்து (FCID) விசேட அழைப்பாணை கடிதம் ஒன்று கிடைத்துள்ளதாகத் தெரிவிக்கப்படுகிறது.

நிதி குற்றப்புலனாய்வு பிரிவினால் தங்காலை தலைமையக பொலிஸ் பரிசோதகர் ஊடாக இந்த அறிவித்தல் விடுக்கப்பட்டுள்ளது. அதன்படி, தங்காலை கார்டன் இல்லத்தில் வசிக்கும் ஷிரந்தி ராஜபக்ஷவை எதிர்வரும் நாட்களில் நிதி குற்றப்புலனாய்வு பிரிவில் முன்னிலையாகுமாறு உத்தரவிடப்பட்டுள்ளது.

“சிரிலிய சவிய” (Siriliya Saviya) அமைப்பின் பதிவு, அதன் செயற்பாடுகள் மற்றும் நிதி விவகாரங்கள் தொடர்பில் முன்னெடுக்கப்படும் விசாரணைக்காக வாக்குமூலம் ஒன்றை பெற்றுக்கொள்ளவே இந்த அழைப்பு விடுக்கப்பட்டுள்ளது.