கண்டியில் மீளவும் அனர்த்த நிலைமை பிரகடனம்!

பிரகடனப்படுத்தப்பட்டுள்ளதாக கண்டி மாவட்ட செயலாளர் இந்திக உடவத்த தெரிவித்துள்ளார்.

தொடர்ச்சியாக பெய்து வரும் கடும் மழை காரணமாக உடதும்பறை பிரதேசமே அதிகளவில் பாதிக்கப்பட்டுள்ளதாகத் தெரிவித்த மாவட்ட செயலாளர், அப்பிரதேசத்தில் பல இடங்கள் நிலச்சரிவு மற்றும் வெள்ளப்பெருக்கிற்கு உள்ளாகியுள்ளதாகவும் குறிப்பிட்டுள்ளார்.

உடதும்பறை, மகாவெல கிராம உத்தியோகத்தர் பிரிவில் இருவர் காணாமல் போயுள்ளதுடன், கங்கொட கிராம உத்தியோகத்தர் பிரிவில் பல வீடுகள் நிலச்சரிவில் சிக்கியுள்ளன.

இராணுவத்தினரும் பொலிஸாரும் இணைந்து மேற்கொண்ட தேடுதல் நடவடிக்கையின் போது, அப்பகுதியில் இருந்து மூன்று சடலங்கள் மீட்கப்பட்டுள்ளதாக மாவட்ட செயலாளர் உறுதிப்படுத்தியுள்ளார். அத்துடன் மேலும் இருவர் காணாமல் போயுள்ளதாகவும் தெரிவிக்கப்படுகின்றது.

பாதிக்கப்பட்ட பகுதிகளில் உள்ள 100 குடும்பங்களைச் சேர்ந்த மக்கள் 07 பாதுகாப்பு மையங்களில் தங்கவைக்கப்பட்டுள்ளனர். அத்துடன் கண்டி மாவட்டத்தின் பல பிரதேச செயலகப் பிரிவுகளில் தற்போது வரை 17 பாதுகாப்பு மையங்கள் இயங்கி வருவதாகவும் அவர் மேலும் தெரிவித்தார்.

மாவட்ட அனர்த்த மேலாண்மை குழு கூட்டத்தினைத் தொடர்ந்து எடுக்கப்பட்ட தீர்மானத்திற்கமைய, கண்டி - மகியங்கனை வீதியின் 'பதினெட்டு வளைவு' (Daha Ata Wanguwa) ஊடான ஹசலக்க வரையிலான பகுதி, மறு அறிவித்தல் வரை மூடப்பட்டுள்ளதாக மாவட்ட செயலாளர் அறிவித்துள்ளார்.

இதேவேளை, பேராதனை - குஹாகொட வீதியின் சீமா மாலகயவிற்கு அருகில், ஏற்கனவே 'டிட்வா' (Ditwah) சூறாவளியின் போது நிலச்சரிவு ஏற்பட்ட பகுதியில் மீளவும் மண்சரிவு அபாயம் ஏற்பட்டுள்ளது.

வீதிக்கு மேல் பாரிய பாறைகள் சரிந்து விழுந்துள்ளதையடுத்து, குறித்த வீதியினை மூடுவதற்கு பொலிஸார் நடவடிக்கை எடுத்துள்ளனர்.