சோசலிச மக்கள் முன்னணி (Socialist People's Front), மக்கள் பங்கேற்பு ஜனநாயக முன்னணி (People's Participatory Democratic Front), மலையக அரசியல் அரங்கம் (Malaiyaha Arasiyal Arangam), சமத்துவக் கட்சி (Samathuva Kadchi), புரட்சிகர மக்கள் சக்தி (Revolutionary People's Power) ஆகிய கட்சிகளுக்கே இவ்வாறு அனுமதி வழங்கப்பட்டுள்ளதாக தேர்தல் ஆணையம் குறிப்பிட்டுள்ளது.
கடந்த ஆண்டுக்கான புதிய அரசியல் கட்சிகளைப் பதிவு செய்வதற்காக நடத்தப்பட்ட நேர்முகத் தேர்வுகளின் பின்னரே, இந்த 5 அரசியல் கட்சிகளையும் பதிவு செய்ய அனுமதி வழங்கப்பட்டுள்ளது.
2025 ஆம் ஆண்டில் அரசியல் கட்சிகளைப் பதிவு செய்வதற்காக 83 விண்ணப்பங்கள் சமர்ப்பிக்கப்பட்டிருந்ததுடன், அவற்றில் 47 அரசியல் கட்சிகள் ஆரம்பகட்ட நேர்முகத் தேர்வுகளுக்காகத் தெரிவு செய்யப்பட்டன.
இறுதி நேர்முகத் தேர்வுகளின் பின்னர், அந்த அரசியல் கட்சிகளிலிருந்து 5 கட்சிகளுக்கு மாத்திரம் இவ்வாறு பதிவு செய்ய அனுமதி வழங்கப்பட்டுள்ளதாகத் தெரிவிக்கப்படுகிறது.
இதன்படி, தற்போது இலங்கையில் பதிவு செய்யப்பட்டுள்ள அரசியல் கட்சிகளின் எண்ணிக்கை 85 ஆக உயர்ந்துள்ளதாக தேர்தல் ஆணையம் தெரிவித்துள்ளது.