வெளியிட தேசிய சிறுவர் பாதுகாப்பு அதிகாரசபை நடவடிக்கை எடுத்துள்ளது.
1998ஆம் ஆண்டின் 50ஆம் இலக்க தேசிய சிறுவர் பாதுகாப்பு அதிகாரசபை சட்டத்தின் கீழ் இந்த வழிகாட்டல்கள் வெளியிடப்பட்டுள்ளன.
ஆசிரியர்கள் மாணவர்கள் தொடர்பாக செய்ய வேண்டியவை மற்றும் செய்யக்கூடாதவை என இரண்டு பிரிவுகளின் கீழ் இந்த வழிகாட்டல்கள் வெளியிடப்பட்டுள்ளதாக தேசிய சிறுவர் பாதுகாப்பு அதிகாரசபை தெரிவித்துள்ளது.
ஆசிரியர்கள் செய்ய வேண்டியவை:
மாணவர்கள் பாடசாலை சீருடை, காலணிகள் மற்றும் ஏனைய உபகரணங்கள் இன்றி பாடசாலைக்கு வந்தாலும், அவர்களைப் பாகுபாடின்றி நடத்துதல்.
மாணவர்களின் கருத்துக்களுக்குச் செவிசாய்த்தல்.
பாடசாலையை மாணவர்களுக்குப் பாதுகாப்பும் அரவணைப்பும் கிடைக்கக்கூடிய இடமாக மாற்றுதல்.
மாணவர்களுக்கு எதிர்காலம் குறித்த நேர்மறையான நம்பிக்கைகளை வழங்குதல்.
மாணவர்கள் மீது கருணை மற்றும் புரிதலுடன் (Empathy) செயற்படுதல்.
ஆசிரியர்கள் செய்யக்கூடாதவை:
அதிர்ச்சிகரமான சம்பவங்களை மாணவர்களுக்கு மீண்டும் நினைவூட்டாதிருத்தல்.
அனர்த்தங்களுக்கு முகம் கொடுத்த மாணவர்களை ஏனையவர்களிடமிருந்து வேறுபடுத்திப் பார்க்காதிருத்தல்.
அனர்த்தத்தால் பாதிக்கப்பட்ட மாணவர்கள் குறித்து ஆசிரியர்களின் ஓய்வறையிலோ அல்லது பாடசாலையின் ஏனைய இடங்களிலோ கலந்துரையாடாதிருத்தல்.
நிறைவேற்ற முடியாத வாக்குறுதிகளை மாணவர்களுக்கு வழங்காதிருத்தல்.
சிறுவர்களின் பாதுகாப்புத் தொடர்பாக அறிவிப்பதற்கு 1929 என்ற உடனடி அழைப்பு இலக்கத்தையும், சிறுவர்களின் மனநலம் குறித்த ஆலோசனைகளுக்கு 1926 என்ற இலக்கத்தையும் அறிமுகப்படுத்த நடவடிக்கை எடுத்துள்ளதாக தேசிய சிறுவர் பாதுகாப்பு அதிகாரசபை மேலும் தெரிவித்துள்ளது.