கொவிட் தொற்றுநோயை எதிர்கொண்டு பிராந்தியத்தில் உள்ள அனைத்து நாடுகளும் கடுமையான நெருக்கடியை எதிர்கொண்டுள்ள நிலையில், இந்தியாவும் இலங்கையும் பொருளாதார ரீதியாக நெருக்கமாக செயற்பட வேண்டும் என்று முன்னாள் பிரதமர் ரணில் விக்கிரமசிங்க இந்திய வெளியுறவு அமைச்சருக்கு மேலும் தெரிவித்தார்.
முன்னாள் பிரதமர் ரணில் விக்கிரமசிங்க இன்று (07) காலை இந்திய தூதரக உத்தியோகபூர்வ இல்லத்தில் வைத்து இந்திய வெளியுறவு அமைச்சரை சந்தித்த இந்த கருத்துக்களை தெரிவித்தார்.
கொழும்பில் உள்ள தூதரக வட்டாரங்களின்படி, இலங்கைக்கு இரண்டு நாள் உத்தியோகபூர்வ விஜயம் மேற்கொண்டுள்ள இந்திய வெளியுறவு அமைச்சர், ஐதே.க தலைவரும், முன்னாள் பிரதமருமான ரணில் விக்கிரமசிங்கவை தனது இராஜதந்திர சந்திப்புக்கு வெளியே சந்தித்தார்.
தனது இரண்டு நாள் உத்தியோகபூர்வ விஜயத்தை முடித்துவிட்டு இலங்கையை விட்டு வெளியேறுவதற்கு முன்பு, இந்திய வெளியுறவு அமைச்சர் ஐ.தே.க தலைவரும் முன்னாள் பிரதமருமான ரணில் விக்கிரமசிங்கவை சந்தித்தார்.
முன்னாள் பிரதமர் ரணில் விக்கிரமசிங்க கொவிட் தொற்றுநோயால் இரு நாடுகளும் எதிர்கொள்ளும் சவால்கள் குறித்து இந்திய வெளியுறவு அமைச்சருடன் நீண்ட கருத்துப் பரிமாற்றத்தில் ஈடுபட்டார்.
இலங்கைக்கு கொவிட் தடுப்பூசி வழங்குவதற்காக அரசாங்கத்துடன் ஏற்கனவே பேச்சுவார்த்தை நடைபெற்றுள்ளதாக இந்திய வெளியுறவு அமைச்சர் ரணில் விக்கிரமசிங்கவிடம் தெரிவித்தார்.
முன்னாள் பிரதமர் ரணில் விக்கிரமசிங்க இந்த போக்கை மிகவும் பாராட்டியதோடு, இந்த கடினமான காலங்களில் இந்தியாவும் இலங்கையும் நெருக்கமாக பணியாற்ற வேண்டியதன் அவசியத்தை சுட்டிக்காட்டினார்.