முன்னாள் ஜனாதிபதி மஹிந்த ராஜபக்ஷ தெரிவித்துள்ளார்.
அரசியலில் ஒரு மாற்றம் ஏற்படும் என்றும், அதற்குத் தமது கட்சி தயாராக இருப்பதாகவும் கூறிய மஹிந்த ராஜபக்ஷ, இம்முறை மே தினமானது பௌர்ணமி தினத்தில் (Poya Day) வருவதால், தமது கட்சி மே தினக் கொண்டாட்டங்களை நடத்தாமல் மத வழிபாடுகளில் ஈடுபடும் என்றும் குறிப்பிட்டார்.
சிங்கள மற்றும் தமிழ் புத்தாண்டுக்குப் பின்னர், ஸ்ரீலங்கா பொதுஜன பெரமுனவின் நெலும் மாவத்தையிலுள்ள கட்சித் தலைமையகத்தின் பணிகள் இன்று (20) உத்தியோகபூர்வமாக ஆரம்பித்து வைக்கப்பட்டன.
முன்னாள் ஜனாதிபதி மஹிந்த ராஜபக்ஷ மற்றும் கட்சியின் தேசிய அமைப்பாளர் பாராளுமன்ற உறுப்பினர் நாமல் ராஜபக்ஷ ஆகியோர் தலைமையில் இந்நிகழ்வு நடைபெற்றது.
இந்த நிகழ்வில் ஸ்ரீலங்கா பொதுஜன பெரமுனவின் முன்னாள் மற்றும் தற்போதைய பாராளுமன்ற உறுப்பினர்கள் உட்பட கட்சியின் முக்கிய செயற்பாட்டாளர்கள் பலர் கலந்துகொண்டனர்.
இதன்போது கருத்துத் தெரிவித்த முன்னாள் ஜனாதிபதி மஹிந்த ராஜபக்ஷ, தமக்கு புத்தாண்டு வெற்றிகரமாக அமைந்த போதிலும், நாட்டு மக்கள் இம்முறை புத்தாண்டை முறையாகக் கொண்டாடவில்லை எனக் குறிப்பிட்டார்.