அமைப்பாளரும், நாடாளுமன்ற உறுப்பினருமான நாமல் ராஜபக்ஷவுக்கு வழங்கப்பட்டிருந்த அழைப்பு, புலம்பெயர் தமிழர்களின் கடும் எதிர்ப்பு காரணமாக இரத்து செய்யப்பட்டுள்ளது.
பிரித்தானியாவுக்கு விஜயம் மேற்கொண்டுள்ள நாமல் ராஜபக்ஷ, பெப்ரவரி மாத இறுதியில் ஒக்ஸ்போர்ட் மற்றும் கேம்பிரிட்ஜ் ஆகிய இரு புகழ்பெற்ற பல்கலைக்கழக சங்கங்களில் உரையாற்றுவதற்கு அழைக்கப்பட்டிருந்தார்.
எனினும், பிரித்தானியாவை தளமாகக் கொண்ட புலம்பெயர் தமிழ் அமைப்புகள் மற்றும் விடுதலைப் புலிகளின் ஆதரவாளர்கள் என கூறப்படுவோர், அவர் இந்த நிகழ்வில் பங்கேற்பதற்கு தமது கடும் கண்டனங்களை வெளியிட்டனர்.
பிரித்தானிய தமிழ் மாணவர் சங்கங்கள் மற்றும் பிரித்தானிய தமிழ் இளையோர் அமைப்பு (TYO UK) ஆகியன இணைந்து வெளியிட்ட விசேட அறிக்கையில், நாமல் ராஜபக்ஷவுக்கு வழங்கப்பட்ட இந்த வாய்ப்பை உடனடியாக இரத்து செய்யுமாறு வலியுறுத்தியிருந்தன.
தொடர்ச்சியான போராட்டங்கள் மற்றும் அதிகரித்து வந்த அழுத்தங்கள் காரணமாக, கேம்பிரிட்ஜ் பல்கலைக்கழக சங்க நிர்வாகிகள் குறித்த உரையை இரத்து செய்ய தீர்மானித்துள்ளனர்.
இந்த இரத்து நடவடிக்கை குறித்து நாமல் ராஜபக்ஷ தரப்பிலிருந்து இதுவரை உத்தியோகபூர்வமான கருத்துக்கள் எதுவும் தெரிவிக்கப்படவில்லை என்பது குறிப்பிடத்தக்கது.