பல பகுதிகளில் காற்றின் தரம் ஆரோக்கியமற்ற நிலைக்கு வீழ்ச்சி!

தேசிய கட்டிட ஆராய்ச்சி நிறுவனம் (NBRO) விடுத்துள்ள தரவுகள் தெரிவிக்கின்றன.

கொழும்பு, யாழ்ப்பாணம், கண்டி, குருநாகல் மற்றும் காலி போன்ற பகுதிகளில் வளியின் தரச் சுட்டெண் (SL AQI) 104 முதல் 144 வரை பதிவாகியுள்ளது. வளியில் கலந்துள்ள நுண் துகள்களின் (PM2.5) அளவு அதிகரித்துள்ளமையே இதற்கு முக்கிய காரணமாகக் குறிப்பிடப்பட்டுள்ளது.

இதற்கு நேர்மாறாக, நுவரெலியா, முல்லைத்தீவு, மட்டக்களப்பு மற்றும் தெற்கு, கிழக்கு மாகாணங்களின் பல நகரங்களில் வளியின் தரம் நடுத்தரமான (Moderate) மட்டத்திலேயே காணப்படுகிறது.

அடுத்த 24 மணித்தியாலங்களிலும் பெரும்பாலான நகரங்களில் இந்த ஆரோக்கியமற்ற நிலை தொடரக்கூடும் என தேசிய கட்டிட ஆராய்ச்சி நிறுவனம் எதிர்வு கூறியுள்ளது. இதன்போது வளியின் தரச் சுட்டெண் 48 முதல் 140 வரை பதிவாகலாம் என எதிர்பார்க்கப்படுகிறது.