தரும் சுற்றுலா மற்றும் வணிகப் பயணிகளுக்காகக் குடிவரவு மற்றும் குடியகல்வுத் திணைக்களம் அவசர தற்காலிக ஏற்பாடுகளை அறிவித்துள்ளது.
முறைமையில் நிலவும் சிக்கல் சீராகும் வரை இந்தப் புதிய நடைமுறைகள் உடனடியாக அமலுக்கு வருவதாகத் திணைக்களம் குறிப்பிட்டுள்ளது.
புதிய தற்காலிக நடைமுறைகள்:
விண்ணப்பிக்கும் முறை: கேமரூன், நைஜீரியா, ஐவரி கோஸ்ட், ஆப்கானிஸ்தான், கானா, சிரியா மற்றும் வடகொரியா ஆகிய நாடுகளைத் தவிர ஏனைய அனைத்து நாட்டுப் பயணிகளும் www.eta.gov.lk என்ற உத்தியோகபூர்வ இணையதளத்தின் ஊடாகத் தொடர்ந்து விண்ணப்பிக்க வேண்டும்.
அனுமதிப் பத்திரம் (Approval Notice): தொழில்நுட்பக் கோளாறு காரணமாக விண்ணப்பம் அங்கீகரிக்கப்பட்டதற்கான மின்னஞ்சல் (Approval Notice) கிடைக்கப் பெறாத போதிலும், விண்ணப்பத்தைச் சமர்ப்பித்த போது கிடைத்த 'ETA Reference Notice' ஆவணத்தைச் விமான நிலையத்தில் சமர்ப்பிக்க வேண்டும்.
கட்டுநாயக்க விமான நிலையத்தில் அனுமதி: பயணிகள் கட்டுநாயக்க சர்வதேச விமான நிலையத்தின் குடிவரவு கருமபீடத்தில் தங்களது 'ETA Reference' ஆவணத்தைக் காண்பிக்க வேண்டும். அதனை அதிகாரிகள் சரிபார்த்த பின்னர், விமான நிலையத்திலேயே சுற்றுலா அல்லது வணிகப் பயண அனுமதி (ETA) வழங்கப்படும்.
தேவையான ஆவணங்கள்: பயணிகள் தங்களது பயணத்தின் நோக்கம் தொடர்பான ஏனைய உறுதிப்படுத்தும் ஆவணங்களையும் கைவசம் வைத்திருக்குமாறு அறிவுறுத்தப்பட்டுள்ளனர்.
விசேட நாடுகளுக்கான கட்டுப்பாடுகள்:
கேமரூன், நைஜீரியா, ஐவரி கோஸ்ட், ஆப்கானிஸ்தான், கானா மற்றும் சிரியா ஆகிய நாடுகளைச் சேர்ந்த பயணிகள், இலங்கையிலுள்ள ஒரு பொறுப்புதாரர் (Sponsor) மூலம் கொழும்பிலுள்ள குடிவரவு திணைக்களத்தின் தலைமை அலுவலகத்தில் குறுகிய கால விசா விண்ணப்பங்களைச் சமர்ப்பிக்க வேண்டும். வடகொரியப் பயணிகள் வெளியுறவு அமைச்சின் பரிந்துரையைப் பெறுவது அவசியமாகும்.
தொழில்நுட்பக் கோளாறு சீர்செய்யப்பட்டதும் இது குறித்த மேலதிக அறிவிப்புகள் வெளியாகும் எனத் திணைக்களம் மேலும் தெரிவித்துள்ளது.