பெற்றுவரும் சுமார் 85,000க்கும் அதிகமான ஏழை மற்றும் அதி ஏழ்மைப் பிரிவினருக்கு அந்த நிதியுதவி அற்றுப்போகும் அபாயம் ஏற்பட்டுள்ளது.
2023 ஆம் ஆண்டில் விண்ணப்பித்து, தற்போது பலன்களைப் பெற்றுவரும் மற்றும் காத்திருப்போர் பட்டியலில் உள்ளவர்களின் விபரங்களை மீள உறுதிப்படுத்தும் நடவடிக்கைகள் தற்போது முன்னெடுக்கப்பட்டு வருகின்றன.
விபரங்களை இற்றைப்படுத்துவதற்கான கால அவகாசம் நாளை (20ஆம் திகதி, வெள்ளிக்கிழமை) முடிவடையவுள்ளதாக நலன்புரி நன்மைகள் சபை அறிவித்துள்ளது.
அதி ஏழ்மைப் பிரிவைச் சேர்ந்த 28,608 பேரும், ஏழ்மைப் பிரிவைச் சேர்ந்த 56,548 பேருமாக மொத்தம் 85,156 பேர் இதுவரை தமது விபரங்களை உறுதிப்படுத்தவில்லை எனக் கண்டறியப்பட்டுள்ளது.
குறித்த காலப்பகுதிக்குள் தகவல்களை வழங்கத் தவறினால், அடுத்த கட்ட கொடுப்பனவுகள் வழங்கப்படும் போது இவர்களுக்கான நிதி வழங்கப்படமாட்டாது என நலன்புரி நன்மைகள் சபையின் தலைவர் நிமல் கொடவெலகொட தெரிவித்துள்ளார்.
விபரங்களைச் சமர்ப்பிக்கும் முறைகள்:
பயனாளிகள் தங்களது தகவல்களைப் பின்வரும் வழிகளில் இற்றைப்படுத்த முடியும்
இணையதளம் (Online): உத்தியோகபூர்வ இணையதளத்தின் ஊடாக.
பிரதேச செயலகம்: அந்தந்த பிரதேச செயலகங்களில் உள்ள நலன்புரி நன்மைகள் அலகில் நேரடியாகச் சென்று.
விதாத்தா மையங்கள்: அருகிலுள்ள விதாத்தா (Vidatha) வள நிலையங்களின் ஊடாக.
தபால் மூலம்: பூர்த்தி செய்யப்பட்ட படிவங்களைத் தபால் மூலம் அனுப்பி வைப்பதன் ஊடாக.
சட்ட விதிகளின்படி ஒவ்வொரு 12 மாதங்களுக்கும் ஒருமுறை தகவல்கள் இற்றைப்படுத்தப்பட வேண்டும். எனினும், பல்வேறு காரணங்களால் கடந்த சில வருடங்களாக இது இடம்பெறவில்லை.
தற்போது ஏழ்மைப் பிரிவினருக்கு மாதாந்தம் 10,000 ரூபாவும், அதி ஏழ்மைப் பிரிவினருக்கு 17,500 ரூபாவும் வழங்கப்பட்டு வருகின்றமை குறிப்பிடத்தக்கது.