விபரங்களை பிரதமர் கலாநிதி ஹரிணி அமரசூரிய இன்று (19) நாடாளுமன்றத்தில் பகிரங்கப்படுத்தினார்.
ஐக்கிய மக்கள் சக்தியின் நாடாளுமன்ற உறுப்பினர் சமிந்த விஜேசிறி எழுப்பிய கேள்விக்கு பதிலளிக்கும் போதே பிரதமர் இந்த விபரங்களை வெளியிட்டார்.
கொடுப்பனவுகளின் விபரம்:
பிரதமரினால் சமர்ப்பிக்கப்பட்ட தகவல்களின் அடிப்படையில் நாடாளுமன்ற உறுப்பினர்களின் மாதாந்த கொடுப்பனவுகள் பின்வருமாறு அமைகின்றன:
மாதாந்த அடிப்படை கொடுப்பனவு: 54,285 ரூபா
உபசரிப்பு கொடுப்பனவு: 1,000 ரூபா
தொலைபேசி கொடுப்பனவு: 50,000 ரூபா
அலுவலகக் கொடுப்பனவு: 100,000 ரூபா (ஒரு இலட்சம் ரூபா)
போக்குவரத்து கொடுப்பனவு: 15,000 ரூபா
சாரதி கொடுப்பனவு: 3,500 ரூபா (பொதுப் பாதுகாப்பு மற்றும் நாடாளுமன்ற விவகார அமைச்சின் ஊடாக சாரதி ஒருவரைப் பெற்றுக்கொள்ளாத உறுப்பினர்களுக்கு மாத்திரம் இக்கொடுப்பனவு வழங்கப்படும்).
நாடாளுமன்ற அமர்வுக்கான தினசரி கொடுப்பனவு: 2,500 ரூபா
குழுக்கூட்ட அமர்வுக்கான தினசரி கொடுப்பனவு: 2,500 ரூபா
(நாடாளுமன்ற அமர்வுகள் இல்லாத நாட்களில் நடைபெறும் குழுக்கூட்டங்களில் பங்கேற்பதற்கும் ஒரு நாளைக்கு 2,500 ரூபா வீதம் வழங்கப்படும்).
நாடாளுமன்ற உறுப்பினர்கள் பிரதிநிதித்துவப்படுத்தும் மாவட்டங்களில் இருந்து நாடாளுமன்றத்திற்கு இடைப்பட்ட தூரத்தின் அடிப்படையில் எரிபொருள் கொடுப்பனவு கணக்கிடப்படும்.
தேசிய பட்டியல் உறுப்பினர்களுக்கு 419.76 லீற்றர் டீசல் அடிப்படையில், ஒவ்வொரு மாதமும் முதலாம் திகதி நிலவும் சந்தை விலைக்கு ஏற்ப எரிபொருள் கொடுப்பனவு வழங்கப்படும் என பிரதமர் மேலதிகமாகத் தெரிவித்தார்.