முறையில் முன்னெடுப்பதற்கு, தற்போதைய பாதுகாப்பு பிரதி அமைச்சர் அருண ஜயசேகரவை அந்தப் பதவியிலிருந்து நீக்குமாறு அருட்தந்தை ரோஹான் டி சில்வா அரசாங்கத்திடம் கோரிக்கை விடுத்துள்ளார்.
கொழும்பில் நடைபெற்ற விசேட நிகழ்வொன்றில் கலந்து கொண்டு உரையாற்றும் போதே அவர் இதனைத் தெரிவித்தார்.
சமூக மற்றும் சமய மையம் (Centre for Society and Religion) ஏற்பாடு செய்திருந்த "நினைவு, வலி மற்றும் நம்பிக்கை: 7 ஆண்டுகளுக்குப் பின் நீதியைத் தேடி" என்ற ஈஸ்டர் தாக்குதல் தொடர்பான விசேட அறிக்கை வெளியீட்டு விழா கொழும்பில் நடைபெற்றது.
அருட்தந்தை ரோஹான் டி சில்வாவின் கருத்து:
"தாக்குதல் இடம்பெற்று 7 ஆண்டுகளின் பின்னர், விசாரணைகள் தற்போது ஒரு சாதகமான திசையை நோக்கி நகர்வதாகத் தெரிகிறது. எனவே, இந்த விசாரணைகளை நியாயமான முறையில் முன்னெடுப்பதற்கான சூழலை உருவாக்குவது அவசியமாகும். சர்ச்சைக்குரிய சாய்ந்தமருது சம்பவங்கள் இடம்பெற்ற காலப்பகுதியில், கிழக்கு மாகாண கட்டளைத் தளபதியாகக் கடமையாற்றியவர் தற்போதைய பாதுகாப்பு பிரதி அமைச்சர் அருண ஜயசேகர ஆவார். எனவே, இந்த விசாரணைகள் நிறைவடையும் வரை அவரை அந்தப் பதவியிலிருந்து நீக்குமாறு நான் கேட்டுக்கொள்கிறேன்"
என அருட்தந்தை அங்கு குறிப்பிட்டார்.
விசாரணைகளின் வெளிப்படைத்தன்மையை உறுதிப்படுத்த இவ்வாறான நடவடிக்கைகள் அவசியம் என்றும் அவர் மேலும் வலியுறுத்தினார்.