சாம்பல் புதன் (Ash Wednesday) திருநாள் இன்றாகும் (18).
சாம்பல் புதனை முன்னிட்டு தீவு முழுவதிலுமுள்ள கத்தோலிக்க தேவாலயங்களில் விசேட திருப்பலிகள் ஒப்புக்கொடுக்கப்படவுள்ளதுடன், இந்த வழிபாட்டின் ஒரு முக்கிய அங்கமாக விசுவாசிகளின் நெற்றியில் சாம்பல் பூசும் புனித சடங்கும் இடம்பெறவுள்ளது.
இதனைத் தொடர்ந்து இன்றைய தினத்துடன் கத்தோலிக்க திருச்சபையின் தவக்காலம் (Lent Season) ஆரம்பமாகின்றது. இயேசு கிறிஸ்துவின் பாடுகள், மரணம் மற்றும் உயிர்ப்பினை நினைவுகூர்ந்து விசுவாசிகள் அனுஷ்டிக்கும் ஒரு புனிதமான காலமாக இது கருதப்படுகிறது.
பொதுவாக 40 நாட்கள் வரை நீடிக்கும் இக்காலப்பகுதியில், ஆன்ம பரிசோதனை, மனந்திரும்புதல், நோன்பு இருத்தல் மற்றும் செபமாலை வழிபாடுகளுக்கு முக்கியத்துவம் அளித்து விசுவாசிகள் தங்களை ஆன்மீக ரீதியில் தயார்படுத்துவதே இதன் பிரதான நோக்கமாகும்.