போலி வேடதாரிகளிடம் ஏமாற வேண்டாம்: கத்தோலிக்கத் திருச்சபை அவசர எச்சரிக்கை!

என இலங்கை கத்தோலிக்கத் திருச்சபை அறிவித்துள்ளது.

சம்பவத்தின் பின்னணி:

மினுவாங்கொடை மற்றும் நீர்கொழும்பு பகுதிகளில் இயேசு கிறிஸ்துவைப் போன்ற தோற்றத்தில் உடை அணிந்திருந்த நபரால் ஏற்பட்ட குழப்பமான நிலைமையைத் தொடர்ந்தே இந்த அறிவிப்பு வெளியாகியுள்ளது.

குறித்த நபர் நீர்கொழும்பு பகுதியில் உள்ள தேவாலயங்களுக்குச் சென்று பீதியை ஏற்படுத்தியதாகத் தெரிவிக்கப்படுகிறது.

கட்டுவாப்பிட்டிய தேவாலயத்தில் குழப்பம்:

குறித்த நபர் கட்டுவாப்பிட்டிய தேவாலயத்தில் ஆராதனை நடைபெற்றுக்கொண்டிருந்த வேளையில் அங்கு சென்றுள்ளார். அவர் வந்தவுடன் அங்கிருந்த மக்கள் அவரை நோக்கி ஓடிச்சென்று வணங்கியுள்ளனர்.

இதனைத் தொடர்ந்து அவர் கிராண்ட் ஸ்ட்ரீட் (Grand Street) தேவாலயத்திற்குச் சென்றுள்ளார். அங்குள்ள மதகுருமார்கள் உடனடியாகப் பொலிஸாருக்குத் தகவல் வழங்கியதையடுத்து, அவர் கைது செய்யப்பட்டார்.

திருச்சபையின் நிலைப்பாடு:

இது தொடர்பாக டெய்லி மிரர் (Daily Mirror) ஊடகத்திற்கு கருத்துத் தெரிவித்த ஊடகத் தொடர்பாடல் பணிப்பாளர் அருட்தந்தை ஜூட் கிரிஷாந்த:

"மக்கள் புத்திசாலித்தனமாகச் செயற்பட வேண்டும். இவ்வாறான போலி வேடதாரிகளைக் கண்டு ஏமாற வேண்டாம். மக்கள் விழிப்புடன் இருப்பதோடு, பைபிளில் போதிக்கப்பட்டுள்ள உண்மைகளைச் சரியாகப் புரிந்துகொள்ள வேண்டும்."

குறித்த வெளிநாட்டவரை இலங்கையிலிருந்து நாடு கடத்துவதற்குப் பொலிஸார் எடுத்த நடவடிக்கைக்கு அருட்தந்தை நன்றிகளைத் தெரிவித்தார்.

அத்துடன், மக்கள் இவ்வாறான விசித்திரமான சம்பவங்களின் போது மிகவும் அவதானமாக இருக்க வேண்டும் எனவும் அவர் மேலும் வலியுறுத்தினார்.