சுமார் 400 கோடி ரூபா சந்தைப் பெறுமதியுடைய ஹெரோயின் போதைப்பொருள் மீட்கப்பட்டுள்ளதாக பாதுகாப்பு பிரதி அமைச்சர் அருண ஜயசேகர தெரிவித்துள்ளார்.
சுற்றிவளைப்பு மற்றும் மீட்பு:
இலங்கைக்கு தெற்கே ஆழ்கடல் பகுதியில் நேற்று (16) முன்னெடுக்கப்பட்ட விசேட தேடுதல் நடவடிக்கையின் போது இந்த படகு கடற்படையினரால் பொறுப்பேற்கப்பட்டது.
திக்ஓவிட்ட (Dikowita) மீன்பிடி துறைமுகத்திற்கு கொண்டு வரப்பட்ட குறித்த படகை, பொலிஸ் போதைப்பொருள் ஒழிப்புப் பிரிவினர் சோதனையிட்டபோது, 6 உரைகளில் பொதி செய்யப்பட்ட 150 கிலோவிற்கும் அதிகமான ஹெரோயின் மீட்கப்பட்டுள்ளது.
கைது நடவடிக்கைகள்:
இந்தக் கடத்தல் சம்பவத்துடன் தொடர்புடைய நான்கு சந்தேகநபர்கள் பொலிஸ் போதைப்பொருள் ஒழிப்புப் பிரிவினரால் கைது செய்யப்பட்டுள்ளனர்.
பாதுகாப்பு பிரதி அமைச்சரின் கருத்து:
கைப்பற்றப்பட்ட போதைப்பொருட்களைப் பார்வையிட்ட பின்னர் ஊடகங்களுக்கு கருத்து தெரிவித்த பிரதி அமைச்சர் அருண ஜயசேகர:
"வெளிநாட்டு கப்பல் ஒன்றின் மூலமே இந்த போதைப்பொருள் விநியோகிக்கப்பட்டுள்ளது. அது குறித்த தகவல்கள் எங்களிடம் உள்ளன, அதன் அடிப்படையில் சர்வதேச ரீதியிலான விசாரணைகளை முன்னெடுத்துள்ளோம். கைப்பற்றப்பட்ட 150 கிலோவுக்கும் அதிகமான ஹெரோயினின் பெறுமதி வீதி சந்தை விலையின்படி 400 கோடி ரூபாவையும் தாண்டும்."
இந்த பாரிய போதைப்பொருள் கடத்தல் வலையமைப்பு குறித்து பொலிஸ் போதைப்பொருள் ஒழிப்புப் பிரிவினர் மேலதிக விசாரணைகளை முன்னெடுத்து வருகின்றனர்.
இலங்கைக்கு தெற்கே ஆழ்கடல் பகுதியில் முன்னெடுக்கப்பட்ட விசேட சுற்றிவளைப்பின் போது, போதைப்பொருட்களுடன் கைப்பற்றப்பட்ட உள்நாட்டு பலநாள் மீன்பிடி படகு தற்போது திக்ஓவிட்ட (Dikowita) மீன்பிடி துறைமுகத்திற்கு கொண்டு வரப்பட்டுள்ளது.
கடற்படையின் அதிரடி நடவடிக்கை:
இலங்கை கடற்படையின் நீண்டதூர நடவடிக்கைப் பிரிவிற்குச் சொந்தமான கப்பல் மூலம் நேற்று (16) முன்னெடுக்கப்பட்ட தேடுதல் நடவடிக்கையின் போதே இந்தப் படகு நடுக்கடலில் வைத்து மடக்கிப் பிடிக்கப்பட்டது. இதன்போது படகில் இருந்த நான்கு சந்தேகநபர்களும் கடற்படையினரால் கைது செய்யப்பட்டனர்.
ஹெரோயின் என உறுதி:
துறைமுகத்திற்குக் கொண்டு வரப்பட்ட குறித்த படகை பொலிஸ் போதைப்பொருள் ஒழிப்புப் பிரிவினர் சோதனையிட்டபோது, அதில் கடத்தப்பட்ட பொருட்கள் ஹெரோயின் போதைப்பொருள் என்பது உறுதிப்படுத்தப்பட்டுள்ளதாக அதிகாரிகள் தெரிவித்துள்ளனர்.
எடை சரிபார்ப்பு:
படகில் மீட்கப்பட்ட போதைப்பொருள் உரைகளை விரிவாகச் சோதனையிடும் நடவடிக்கைகளும், அவற்றின் நிறையை (Weight) அளவிடும் பணிகளும் தற்போது முன்னெடுக்கப்பட்டு வருகின்றன.
சட்ட நடவடிக்கை:
கைது செய்யப்பட்ட நான்கு சந்தேகநபர்களும் மேலதிக விசாரணைகளுக்காகவும், சட்ட நடவடிக்கைக்காகவும் பொலிஸ் போதைப்பொருள் ஒழிப்புப் பிரிவிடம் ஒப்படைக்கப்படவுள்ளனர்.
சித்திரைப் புத்தாண்டு காலப்பகுதியில் சர்வதேச கடற்பரப்பினூடாக இலங்கைக்குள் போதைப்பொருளைக் கடத்த முயன்ற பாரிய முயற்சியொன்று கடற்படையினரின் சாதுரியமான செயலால் முறியடிக்கப்பட்டுள்ளமை குறிப்பிடத்தக்கது.