உலகக் குழுக்களுக்கிடையில் ஏற்பட்ட மோதலின் விளைவு என பொலிஸ் ஊடகப் பேச்சாளர் சிரேஷ்ட பொலிஸ் அத்தியட்சகர் எஃப்.யு. வூட்லர் தெரிவித்துள்ளார்.
இந்தச் சம்பவம் தொடர்பாக விசாரணை நடத்த 3 பொலிஸ் குழுக்கள் நியமிக்கப்பட்டுள்ளதாக பொலிஸ் ஊடகப் பேச்சாளர் மேலும் குறிப்பிட்டார்.
இந்த துப்பாக்கிச் சூட்டின் போது 4 வயது சிறுவன் ஒருவன் மற்றும் 3 வயது சிறுமி ஒருத்தி காயமடைந்ததுடன், அவர்கள் சிகிச்சைக்காக கொழும்பு ரிட்ஜ்வே ஆர்யா சிறுவர் வைத்தியசாலையில் அனுமதிக்கப்பட்டுள்ளனர்.
காயமடைந்த இரண்டு சிறுவர்களினதும் நிலைமை தற்போது சீராக உள்ளதாகவும், மருத்துவக் குழுவினர் அவர்களுக்குத் தேவையான சிகிச்சைகளை வழங்கி வருவதாகவும் சிரேஷ்ட பொலிஸ் அத்தியட்சகர் எஃப்.யு. வூட்லர் தெரிவித்தார்.
துப்பாக்கிச் சூட்டில் படுகாயமடைந்த கொழும்பு 13 பகுதியைச் சேர்ந்த 44 வயதுடைய நபர், கொழும்பு தேசிய வைத்தியசாலையில் அனுமதிக்கப்பட்டதன் பின்னர் உயிரிழந்துள்ளார்.
ஜிந்துபிட்டி '125 வத்தை' எனப்படும் பகுதியில் இந்தத் துப்பாக்கிச் சூடு நடத்தப்பட்டுள்ளது. முச்சக்கரவண்டியில் வந்த குழுவினர் இந்த துப்பாக்கிச் சூட்டை நடத்திவிட்டு தப்பிச் சென்றுள்ளதாக முதற்கட்ட விசாரணைகளில் தெரியவந்துள்ளது.