சட்ட நடவடிக்கை எடுக்கப்படும் என தேசிய சிறுவர் பாதுகாப்பு அதிகாரசபை (NCPA) அறிவித்துள்ளது.
அண்மைக்காலமாக சமூக ஊடகங்களில் இவ்வாறான பல சம்பவங்கள் பதிவாகியுள்ளன. இதன் மூலம் சிறுவர்களின் அடையாளம் சமூகத்திற்கு வெளிப்படுத்தப்படுவதால், அவர்கள் மிகவும் பாரதூரமான விளைவுகளைச் சந்திக்க நேரிடுவதாக அதிகாரசபைக்குத் தெரியவந்துள்ளது.
இது தொடர்பாக தேசிய சிறுவர் பாதுகாப்பு அதிகாரசபையின் தலைவி பிரீதி இனோகா ரணசிங்க விசேட அறிக்கையொன்றை வெளியிட்டுள்ளார்.
சட்ட ரீதியான தண்டனை:
தண்டனைச் சட்டக்கோவையின் (Penal Code) 365 [ஏ] பிரிவின் பிரகாரம், துஷ்பிரயோகத்திற்கு உள்ளான சிறுவர் ஒருவரின் பெயர் அல்லது அடையாளத்தை வெளிப்படுத்தும் நபருக்கு இரண்டு வருட சிறைத்தண்டனை அல்லது அபராதம் அல்லது இவ்விரண்டு தண்டனைகளும் விதிக்கப்படலாம் என அந்த அறிக்கையில் சுட்டிக்காட்டப்பட்டுள்ளது.
புகார் அளிப்பதற்கான அவசர இலக்கம்:
சிறுவர்கள் தொடர்பான இவ்வாறான சம்பவங்கள் சமூக ஊடகங்களில் பகிரப்படுவதைக் கண்டால், உடனடியாக 1929 என்ற சிறுவர் உதவிச் சேவை இலக்கத்தைத் தொடர்பு கொண்டு தேசிய சிறுவர் பாதுகாப்பு அதிகாரசபைக்கு அறிவிக்குமாறு அதன் தலைவி மேலும் கேட்டுக்கொண்டுள்ளார்.