அதி அவதான வலயங்களில் வசிப்பவர்களை வேறு இடங்களில் மீளக்குடியேற்றப் பரிந்துரை!

மீளக்குடியேற்றுவதற்கு தேசிய கட்டிட ஆராய்ச்சி நிறுவனம் (NBRO) பரிந்துரை வழங்கியுள்ளது.

பதுளை, கொழும்பு, காலி, அம்பாந்தோட்டை, களுத்துறை, கண்டி, கேகாலை, குருநாகல், மாத்தளை, மாத்தறை, நுவரெலியா, இரத்தினபுரி மற்றும் கம்பஹா ஆகிய 13 மாவட்டங்களில் அமைந்துள்ள அதி அவதி வலயங்களிலுள்ள 9,452 வீடுகளில் வசிப்பவர்களைப் பாதுகாப்பான வேறு நிலங்களில் குடியேற்ற வேண்டும் என தேசிய கட்டிட ஆராய்ச்சி நிறுவனம் நேற்று முன்தினம் (13ஆம் திகதி) வெளியிட்ட அறிக்கையில் குறிப்பிடப்பட்டுள்ளது.

இந்த அறிக்கையின்படி:

முதலாம் முன்னுரிமை: வேறு நிலத்தில் அவசரமாக மீண்டும் கட்டப்பட வேண்டிய வீடுகளின் எண்ணிக்கை 2,025.

இரண்டாம் முன்னுரிமை: வேறு நிலத்தில் அவசரமாக மீண்டும் கட்டப்பட வேண்டிய வீடுகளின் எண்ணிக்கை 2,499.

வசிப்பதற்கு தகுதியற்றவை: வீட்டிற்கு சேதம் ஏற்படவில்லை என்றாலும், வசிப்பதற்குப் பாதுகாப்பற்ற வீடுகளின் எண்ணிக்கை 4,928.

இவ்வாறு மீளக்குடியேற்றப் பரிந்துரைக்கப்பட்டுள்ள அதி அவதி வலயங்களில் அதிகளவான வீடுகள் கண்டி மாவட்டத்திலேயே அமைந்துள்ளன. அந்த வீடுகளின் எண்ணிக்கை 3,355 ஆகும்.

தேசிய கட்டிட ஆராய்ச்சி நிறுவனம் குறிப்பிட்டுள்ள அளவுகோல்கள்:

முதலாம் முன்னுரிமை: மண்சரிவு காரணமாக முழுமையாகவோ அல்லது பகுதியாகவோ சேதமடைந்த வீடுகள் அல்லது உடனடியாக சேதமடையக்கூடிய அபாயமுள்ள வீடுகள்.

இரண்டாம் முன்னுரிமை: மண்சரிவு அறிகுறிகளைக் காட்டுவதுடன், மண்சரிவு ஆரம்பிக்கக்கூடிய ஏதுவான வலயங்களுக்குள் அமைந்துள்ள வீடுகள்.

இதேவேளை, முறையான மண்சரிவு தடுப்பு நுட்பங்களைப் பின்பற்றி, அதே நிலத்தில் வசிப்பதற்காக மேற்குறிப்பிட்ட மாவட்டங்களில் நடுத்தர அவதி வலயத்திலுள்ள 11,363 வீடுகளுக்கு தேசிய கட்டிட ஆராய்ச்சி நிறுவனம் கடந்த 13ஆம் திகதி வரை பரிந்துரைகளை வழங்கியுள்ளது.