ஜனவரி 20: 2025.12.15 திகதியிடப்பட்ட 2467/03 ஆம் இலக்க விசேட வர்த்தமானி மூலம் பிரசுரிக்கப்பட்ட, 2002 ஆம் ஆண்டின் 24 ஆம் இலக்க நலன்புரி நன்மைகள் சட்டத்தின் கீழான 'அஸ்வெசும' நலன்புரி நன்மைகள் செலுத்தும் திட்டம் விவாதிக்கப்பட்டு அங்கீகரிக்கப்படவுள்ளது.
ஜனவரி 21: 'டிட்வா' (Ditwa) சூறாவளியை எதிர்கொள்வதற்கான முன்ஆயத்தங்கள் இல்லாமை குறித்து முழுமையான ஆய்வை மேற்கொண்டு அறிக்கை சமர்ப்பிப்பதற்கும், அது தொடர்பான முன்மொழிவுகள் மற்றும் பரிந்துரைகளை நாடாளுமன்றத்திற்கு முன்வைப்பதற்கும் விசேட குழுவொன்றை (Special Committee) நியமிப்பதற்கான பிரேரணை அங்கீகாரத்திற்காக சமர்ப்பிக்கப்படவுள்ளது.
இதனைத் தொடர்ந்து, டிட்வா சூறாவளியின் பின்னர் நாட்டில் நிலவும் தற்போதைய நிலைமை குறித்து எதிர்க்கட்சியினரால் கொண்டுவரப்படும் ஒத்திவைப்பு வேளைப் பிரேரணை விவாதத்திற்கு எடுத்துக்கொள்ளப்படும் என நாடாளுமன்றத் தொடர்பாடல் திணைக்களம் அறிவித்துள்ளது.
ஜனவரி 22:
முற்பகல் 9.30 மணி முதல் 10.00 மணி வரை: நிலையியற் கட்டளை 22 இன் 1 முதல் 6 வரையான நாடாளுமன்ற நடவடிக்கைகள்.
முற்பகல் 10.00 மணி முதல் 11.00 மணி வரை: வாய்மூல விடைக்கான வினாக்கள்.
முற்பகல் 11.00 மணி முதல் 11.30 மணி வரை: நிலையியற் கட்டளை 27(2) இன் கீழான வினாக்கள்.
முற்பகல் 11.30 மணி முதல் பிற்பகல் 5.30 மணி வரை: ஆளுந்தரப்பினால் கொண்டுவரப்படும் ஒத்திவைப்பு வேளைப் பிரேரணை விவாதம்.
ஜனவரி 23: பல்கலைக்கழகங்கள் (திருத்தச்) சட்டமூலம் இரண்டாம் மதிப்பீடு மீதான விவாதம் நடைபெறவுள்ளதுடன், பிற்பகல் 5.00 மணி முதல் 5.30 மணி வரையான காலப்பகுதி ஒத்திவைப்பு வேளையின் போது கேட்கப்படும் வினாக்களுக்காக ஒதுக்கப்பட்டுள்ளது.