ஏப்ரல் மாத அளவில் சிவப்பரிசி மற்றும் நாட்டரிசிக்கு தட்டுப்பாடு ஏற்பட வாய்ப்பு?

மரதகமுல்ல சிறு மற்றும் நடுத்தர அரிசி ஆலை உரிமையாளர்கள் சங்கம் தெரிவித்துள்ளது.

சம்பா மற்றும் கீரி சம்பா அரிசி விலைகள் மேலும் அதிகரிக்கக்கூடும் என அச்சங்கத்தின் தலைவர் பி. கே. ரஞ்சித் தெரிவித்தார்.

அவர் மேலும் கூறுகையில்:

"இன்று மரதகமுல்லையில் முதலாம் தர நாடு அரிசி ஒரு கிலோகிராம் மொத்த விலையாக அதிகபட்சம் 225 ரூபா வரை பெற முடியும். வெள்ளை அரிசி 208 - 212 ரூபா வரையிலும், சிவப்பு அரிசி வகைகள் 205 - 210 ரூபா வரையிலும் விற்பனையாகின்றன. ஆனால் சம்பா மற்றும் கீரி சம்பா அரிசிகள் மிக அதிக விலையில் உள்ளன. கீரி சம்பா 340 ரூபாவைத் தாண்டுகிறது. சம்பா 260 ரூபாவைத் தாண்டுகிறது. சம்பா மற்றும் கீரி சம்பா விலைகள் அதிகரித்தவுடன், விவசாயிகள் அவற்றை அதிகம் பயிரிட முனையும்போது வெள்ளை மற்றும் நாடு அரிசி வகைகளுக்கு பெரும் தட்டுப்பாடு ஏற்படும். இதனால் நெல் விலை அதிகரிக்குமாயின், இந்த மூன்று வகை நெல்லுக்கும் விவசாயிகளுக்கு நியாயமான விலை வழங்கப்பட வேண்டும். பண்டிகைக் காலத்தில் சம்பா மற்றும் கீரி சம்பா விலைகள் மேலும் அதிகரிக்கக்கூடும்."