கிழக்கு மாகாண வைத்தியசாலைகளில் வைத்தியர்கள் வேலைநிறுத்தம்!

வேலைநிறுத்தப் போராட்டமொன்று ஆரம்பிக்கப்பட்டுள்ளது.

அக்கரைப்பற்று ஆதார வைத்தியசாலையின் வைத்திய அத்தியட்சகருக்கு எதிராக நிர்வாக மற்றும் நிதி மோசடி குற்றச்சாட்டுகள் காணப்படுவதால், அவரை அந்தப் பதவியிலிருந்து நீக்கிவிட்டு, அப்பதவிக்கு புதிய பணிப்பாளர் ஒருவரை நியமிக்குமாறு கோரி இந்த வேலைநிறுத்தம் ஆரம்பிக்கப்பட்டுள்ளது.

இதற்கமைய, கிழக்கு மாகாணத்திலுள்ள 02 பொது வைத்தியசாலைகள், ஒரு போதனா வைத்தியசாலை, 17 ஆதார வைத்தியசாலைகள், 52 பிரதேச வைத்தியசாலைகள் மற்றும் 113 ஆரம்ப சுகாதார மத்திய நிலையங்களில் இந்த வேலைநிறுத்தம் அமுல்படுத்தப்பட்டுள்ளது.

எவ்வாறாயினும், அம்பாறை, மட்டக்களப்பு மற்றும் திருகோணமலை ஆகிய மாவட்டங்களிலுள்ள அனைத்து வைத்தியசாலைகளின் வைத்தியர்களும் இந்த வேலைநிறுத்தப் போராட்டத்தில் கலந்துகொண்டுள்ளதாக அரசாங்க வைத்திய அதிகாரிகள் சங்கத்தின் நிறைவேற்றுக்குழு உறுப்பினரும், அம்பாறை மாவட்ட அமைப்பாளருமான வைத்தியர் ஜனித் பேதுருஆரச்சி தெரிவித்தார்.