'அரசாங்கத்தின் வேலைத்திட்டங்கள் அனர்த்தங்களால் பாதிக்கப்படாது!'

நகர்த்தவோ அல்லது செயலிழக்கச் செய்யவோ பயன்படுத்தப் போவதில்லை என, ஜனாதிபதி அநுர குமார திஸாநாயக்க தெரிவித்துள்ளார்.

நாட்டை மீண்டும் கட்டியெழுப்பும் வேலைத்திட்டத்தை வினைத்திறனாக முன்னெடுப்பதற்காக ஆரம்பிக்கப்பட்ட 'REBUILDING SRI LANKA' தேசிய வேலைத்திட்டத்தின் அங்குரார்ப்பண நிகழ்வில் கலந்துகொண்டு உரையாற்றும் போதே ஜனாதிபதி இதனைத் தெரிவித்தார்.

பொருளாதார நெருக்கடிக்கு முகங்கொடுத்திருந்த நாடு படிப்படியாகக் கட்டியெழுப்பப்பட்டு வரும் தருணத்தில், இந்த சூறாவளியை எதிர்கொள்ள நேரிட்டது. எனினும், இதன் ஊடாக அரசாங்கம் எவ்விதத்திலும் தட்டிக்கழிப்பதற்கு முயற்சிக்கவில்லை என ஜனாதிபதி இங்கு வலியுறுத்தினார்.

"நாங்கள் தயாரித்துள்ள வேலைத்திட்டத்தை மாற்றியமைக்காமல், இந்த அனர்த்தத்தை எவ்வாறு எதிர்கொள்வது என்பது குறித்தே நாங்கள் போராடுகிறோம்" என ஜனாதிபதி மேலும் தெரிவித்தார்.

"தேவைப்பட்டால் இந்த அனர்த்தத்தைக் காரணம் காட்டி பல விடயங்களிலிருந்து நாங்கள் தப்பித்துக்கொண்டிருக்க முடியும். வரலாற்றில் நாம் அவ்வாறுதான் பயணித்தோம். 30 வருடங்களாக அனைத்து அழிவுகளையும் யுத்தத்தின் மீது சுமத்தினோம். அவ்வாறான நிலைமையே எமக்கு இருந்தது. சில தொற்றுநோய் நிலைமைகளை இந்த அனர்த்தங்களின் போர்வையாக மாற்றிக்கொண்டோம். ஆனால் எமது வேலைத்திட்டத்தை பின்னோக்கி கொண்டு செல்லவோ அல்லது முடக்கவோ இதனை பயன்படுத்தக்கூடாது என்ற தீர்மானத்திற்கு நாங்கள் வந்துள்ளோம்."

இதேவேளை, 'டிட்வா' சூறாவளி காரணமாக 24 இலட்சம் மக்கள் பாதிக்கப்பட்டுள்ளனர் என்றும், சுமார் 6,000 வீடுகள் முற்றாக சேதமடைந்துள்ளன என்றும் ஜனாதிபதி குறிப்பிட்டார். மேலும், சுமார் 110,000 வீடுகள் பகுதியளவில் சேதமடைந்துள்ளதோடு, வீடுகளுக்கு சேதம் ஏற்படாத போதிலும் அபாயகரமான நிலைமை காரணமாக வெளியேற அறிவுறுத்தப்பட்ட சுமார் 10,000 வீடுகள் அடையாளம் காணப்பட்டுள்ளதாகவும் ஜனாதிபதி தெரிவித்தார்.