கொழும்பில் தகனக் கட்டணம் இரத்து; முஸ்லிம்களுக்கான நல்லடக்கக் கட்டணமும் இரத்து!

என கொழும்பு மாநகர சபை தீர்மானித்துள்ளது.

இதற்கமைய, சடலம் ஒன்றைத் தகனம் செய்வதற்காக இதுவரை அறவிடப்பட்டு வந்த 10,000 ரூபா கட்டணம் முழுமையாக ரத்து செய்யப்படுவதாக கொழும்பு மாநகர சபை அறிவித்துள்ளது.

இம்முறை வரவு செலவுத் திட்ட முன்மொழிவுகளில் இது தொடர்பான பரிந்துரைகள் முன்வைக்கப்பட்டிருந்தன. நேற்று முன்தினம் (10ஆம் திகதி) நடைபெற்ற பொதுச்சபைக் கூட்டத்தின் போது, கொழும்பு மாநகர முதல்வர் வ்ராய் கெலி பால்தசார் (Vraie Cally Balthazaar) இதனை உத்தியோகபூர்வமாக அறிவித்தார்.

அத்துடன், இஸ்லாமிய மத முறைப்படி சடலங்களை அடக்கம் செய்வதற்காக (Bury) இதுவரை அறவிடப்பட்டு வந்த 7,500 ரூபா கட்டணமும் ரத்து செய்யப்பட்டுள்ளது.

இந்தத் தீர்மானத்தின் மூலம், இனிவரும் காலங்களில் கொழும்பு மாநகர சபை எல்லைக்குட்பட்ட பொதுமக்களுக்கு எவ்வித கட்டணமுமின்றி சடலங்களைத் தகனம் செய்யும் அல்லது அடக்கம் செய்யும் வசதி கிடைக்கும் என்பது குறிப்பிடத்தக்கது.