தொழிலாளர்களை ஜனாதிபதி அநுர குமார திசாநாயக்க நேரில் சந்தித்து சிநேகபூர்வமாக கலந்துரையாடினார்.
நுவரெலியா கிரகரி ஏரி பூங்காவில் நடைபெறவுள்ள "போதைப்பொருள் ஒழிப்புக்கான தேசிய வேலைத்திட்டத்தில்" கலந்துகொள்வதற்காக தலவாக்கலை - நுவரெலியா பிரதான வீதி ஊடாக ஜனாதிபதி பயணித்துக் கொண்டிருந்தார். இதன்போது, ரதல்ல குறுக்கு வீதிக்கு அருகில் உள்ள தேயிலை தோட்டத்தில் தொழிலாளர்கள் பணியில் ஈடுபடுவதைக் கண்ட ஜனாதிபதி, தனது வாகனத்தை நிறுத்திவிட்டு அவர்கள் மத்தியில் சென்றார்.
தோட்டத் தொழிலாளர்கள் ஜனாதிபதியை மிகவும் உற்சாகத்துடன் வரவேற்றதுடன், அவர்களுடன் ஜனாதிபதி சுமூகமான முறையில் உரையாடினார். இதன்போது, அண்மையில் மேற்கொள்ளப்பட்ட தோட்டத் தொழிலாளர்களின் சம்பள உயர்வுத் திட்டம் தொடர்பாக தொழிலாளர்கள் ஜனாதிபதிக்குத் தமது நன்றிகளைத் தெரிவித்துக் கொண்டனர்.
இச்சந்திப்பு குறித்து ஊடகங்களிடம் கருத்து வெளியிட்ட தோட்டத் தொழிலாளர்கள்:
"ஜனாதிபதி அநுர குமார திசாநாயக்க எமது சம்பளத்தை அதிகரித்தது மாத்திரமன்றி, எமது தோட்டப்பகுதிகளுக்கே நேரடியாக வந்து எமது பிரச்சினைகளை நேரில் கேட்டறிந்த முதலாவது ஜனாதிபதி இவராவார்" என நெகிழ்ச்சியுடன் தெரிவித்தனர்.
