அடுத்த சில நாட்களில் மழை மேலும் அதிகரிக்கும்!

திணைக்களத்தின் வானிலை ஆய்வாளர் மலித் பெர்னாண்டோ தெரிவித்துள்ளார். இன்று (10) நடைபெற்ற ஊடகவியலாளர் சந்திப்பில் அவர் இதனைத் குறிப்பிட்டார்.

வானிலை நிலவரம்: நாளை (11) வளிமண்டலத்தில் நிலவும் கீழ் மட்ட தளம்பல் நிலை காரணமாக ஒரு குறைந்த அழுத்தப் பிரதேசம் (Low Pressure Area) உருவாக வாய்ப்புள்ளது. இது பருவமழைக்கு முந்தைய நிலை (Pre-monsoon) என்றும், இதன் காரணமாக மே 20 ஆம் திகதியளவில் முறையான தென்மேற்கு பருவமழை (Southwest Monsoon) ஆரம்பமாகும் என்றும் அவர் தெரிவித்தார்.

"மண்சரிவு அபாயமுள்ள இடங்கள் மீண்டும் உயிர்பெறலாம்" - NBRO எச்சரிக்கை

தேசிய கட்டிட ஆராய்ச்சி நிறுவனத்தின் (NBRO) சிரேஷ்ட புவியியலாளர் வசந்த சேனாதீர வழங்கிய தகவல்கள்:

• முன்னைய 'தித்வா' (Ditwa) சூறாவளியால் பாதிக்கப்பட்ட பகுதிகளில் மண் சரிவுகள் மீண்டும் ஏற்பட வாய்ப்புள்ளது.

• அப்பகுதிகளில் தளர்ந்துள்ள பெரிய மற்றும் நடுத்தர அளவிலான பாறைகள், சிறிய மழை பெய்தாலும் கூட உருண்டு விழும் அபாயம் உள்ளது.

• தற்போது பதுளை மாவட்டத்தின் பஸ்ஸறை பகுதியிலும், மொனராகலை மாவட்டத்தின் பதல் கும்புகுர மற்றும் வெல்லவாய ஆகிய பிரதேச செயலகப் பிரிவுகளுக்கும் முதலாம் கட்ட (Stage 01) மண்சரிவு எச்சரிக்கை விடுக்கப்பட்டுள்ளது.

"ஆற்றுப் பள்ளத்தாக்குகளில் வசிப்போர் அவதானமாக இருக்கவும்" - நீர்ப்பாசனத் திணைக்களம்

நீர்ப்பாசனத் திணைக்களத்தின் நீர் விபரவியல் பிரிவின் பிரதம பொறியியலாளர் சாமர யாப்பாஆராச்சி தெரிவித்தவை:

• தற்போது 9 பிரதான நீர்த்தேக்கங்களும் 5 நடுத்தர நீர்த்தேக்கங்களும் வான்பாய்கின்றன.

• கிரிந்தி ஓயா, வலவை, தெதுரு ஓயா, மல்வத்து ஓயா, களனி கங்கை மற்றும் களு கங்கை ஆகியவற்றின் நீர்மட்டம் உயர்வடைந்து வருகின்றது.

• தற்போது வரை பாரிய வெள்ள அபாயம் இல்லை என்றாலும், ஆறுகளை அண்டிய மற்றும் தாழ்நிலப் பகுதிகளில் வசிப்போர் விழிப்புடன் இருக்க வேண்டும்.

அவசர உதவிகளுக்கு 117 ஐ அழையுங்கள் - அனர்த்த முகாமைத்துவ மையம்

அனர்த்த முகாமைத்துவ மத்திய நிலையத்தின் பணிப்பாளர் பிரதீப் கொடிப்பிலி தெரிவிக்கையில்:

• நாட்டின் 25 மாவட்டங்களிலும் அனர்த்த முகாமைத்துவப் பிரிவினர் தயார் நிலையில் உள்ளனர்.

• மண்சரிவு மற்றும் வெள்ள அபாயமுள்ள பகுதிகளில் உள்ள மக்களைத் தெளிவுபடுத்தும் வேலைத்திட்டங்கள் முன்னெடுக்கப்பட்டுள்ளன.

• ஏதேனும் அவசர அனர்த்த நிலைமைகள் ஏற்பட்டால் அல்லது மண்சரிவுக்கான அறிகுறிகள் தென்பட்டால் உடனடியாக 117 என்ற அவசர தொலைபேசி இலக்கத்தை அல்லது மாவட்ட அனர்த்த முகாமைத்துவப் பிரிவைத் தொடர்பு கொள்ளுமாறு கோரப்பட்டுள்ளது.