ஏழு மாகாணங்களில் பலத்த மழை!

அனுராதபுரம் மாவட்டத்திலும் சில இடங்களில் 100 மில்லிமீற்றருக்கும் அதிக பலத்த மழை பெய்யக்கூடும் என வளிமண்டலவியல் திணைக்களம் தெரிவித்துள்ளது.

நாட்டின் பெரும்பாலான பகுதிகளில் மழையுடனான அல்லது இடியுடன் கூடிய மழையுடனான வானிலை நிலவும் என்றும், பெரும்பாலான பகுதிகளில் வானம் மேகமூட்டத்துடன் காணப்படும் என்றும் அந்த திணைக்களம் அறிவித்துள்ளது.

நாட்டைச் சூழவுள்ள வளிமண்டலத்தில் நிலவும் கீழ் மட்ட தளம்பல் நிலை காரணமாக, மே மாதம் 11 ஆம் திகதியளவில் ஒரு குறைந்த அழுத்தப் பிரதேசம் (Low Pressure Area) உருவாகக்கூடும் என எதிர்பார்க்கப்படுகிறது.

இந்த வானிலை தொகுதியின் தாக்கம் காரணமாக, நாட்டில் தற்போது நிலவும் மழையுடனான வானிலை அடுத்த சில நாட்களுக்கும் தொடரும் என வளிமண்டலவியல் திணைக்களம் மேலும் சுட்டிக்காட்டியுள்ளது.