ஆண்டில் 5.2% வரை உயரக்கூடும் என ஆசிய அபிவிருத்தி வங்கி (ADB) கணித்துள்ளது.
அந்த வங்கியினால் இன்று (10) வெளியிடப்பட்ட 'ஆசிய அபிவிருத்தி நோக்கு' (Asian Development Outlook - ADO) ஏப்ரல் 2026 அறிக்கையில் இந்த விடயம் குறிப்பிடப்பட்டுள்ளது.
மத்திய கிழக்கில் நிலவும் போர் மோதல்கள் காரணமாக எரிபொருள் விலை அதிகரிப்பது, பணவீக்கம் உயர்வதற்குப் பிரதான காரணமாக அமையும் என அந்த அறிக்கையில் சுட்டிக்காட்டப்பட்டுள்ளது.
இது தவிர, வெளிநாட்டுப் பணப்பரிமாற்றங்கள் (Remittances) குறைவடைதல், வர்த்தகம் மற்றும் சுற்றுலாத் துறையில் ஏற்படும் தடைகள் என்பனவும் பணவீக்கம் உயர்வதற்குப் பாதிப்பை ஏற்படுத்தும்.
இதன் காரணமாக குடும்ப வருமானம் மற்றும் வெளிநாட்டு கையிருப்புப் பாதுகாப்பு ஆகியவற்றில் மேலதிக சுமை ஏற்படும் எனவும், அது பொருளாதார வளர்ச்சியைப் பாதிக்கக்கூடும் எனவும் ஆசிய அபிவிருத்தி வங்கி சுட்டிக்காட்டியுள்ளது.
அதேவேளை, 2024 மற்றும் 2025 ஆம் ஆண்டுகளில் தொடர்ச்சியாகப் பதிவு செய்யப்பட்ட 5.0% என்ற வலுவான பொருளாதார வளர்ச்சியைத் தொடர்ந்து, 2026 ஆம் ஆண்டில் இலங்கையின் பொருளாதாரம் 4.0% என்ற மிதமான வளர்ச்சியை வெளிப்படுத்தும் எனவும் அந்த அறிக்கையில் மேலும் தெரிவிக்கப்பட்டுள்ளது.