ஏற்பட்ட மோதலில், அதே பல்கலைக்கழகத்தைச் சேர்ந்த மாணவர் ஒருவர் உயிரிழந்த சம்பவம் தொடர்பில் மேலும் பல தகவல்கள் வெளியாகியுள்ளன.
குறித்த பல்கலைக்கழகத்தினால் நேற்று (09) சித்திரை புத்தாண்டு விழா ஒன்று ஏற்பாடு செய்யப்பட்டிருந்தது. அந்த விழாவின் அனைத்து நடவடிக்கைகளும் மாலை 6 மணியளவில் நிறைவடைந்துள்ளன.
எனினும், அதன் பின்னர் பல்கலைக்கழக மாணவர்கள் குழுவொன்று இரவில் பல்கலைக்கழகத்திற்கு வெளியேயுள்ள ஓரிடத்தில் தனிப்பட்ட முறையில் விருந்து ஒன்றினை ஏற்பாடு செய்துள்ளனர்.
அந்த விருந்து நடைபெற்றுக் கொண்டிருந்த போது, மாணவி ஒருவர் கழிவறைக்குச் சென்றுள்ளார். இதன்போது மாணவர் ஒருவரும் அவர் பின்னால் சென்றுள்ளார். இதனை அவதானித்த அந்த மாணவியின் நண்பர் (உயிரிழந்த மாணவர்), மாணவியின் பின்னால் சென்ற மாணவரைத் தாக்கியுள்ளார்.
இதன்போது, தாக்குதலுக்கு உள்ளான மாணவனின் நண்பர்கள் குழுவொன்று ஒன்றுசேர்ந்து, தாக்கிய மாணவனை (மாணவியின் நண்பனை) கடுமையாகத் தாக்கிவிட்டு அங்கிருந்து தப்பிச் சென்றுள்ளனர்.
தாக்குதலில் பலத்த காயமடைந்த அந்த மாணவர், ஹோட்டல் ஊழியர்களால் வைத்தியசாலையில் அனுமதிக்கப்பட்ட போதிலும், அவர் ஏற்கனவே உயிரிழந்திருந்ததாகத் தெரிவிக்கப்படுகிறது.
இந்தச் சம்பவம் தொடர்பில் இதுவரை 5 மாணவர்கள் கைது செய்யப்பட்டுள்ளனர். இச்சம்பவத்தில் உயிரிழந்தவர் நிக்கதலுபொத்த, வெல்லவ பிரதேசத்தைச் சேர்ந்த 19 வயதுடைய மாணவர் ஆவார்.
சம்பவம் தொடர்பில் ஹோமாகம பொலிஸார் மேலதிக விசாரணைகளை முன்னெடுத்து வருகின்றனர்.