நடத்தி வரும் அதிகாரிகளுக்கு, நீருக்கடியில் காணப்படும் கடினமான சூழ்நிலைகள் காரணமாக அதனை மீட்பதில் தடைகள் ஏற்பட்டுள்ளதாக இலங்கை சிவில் விமானப் போக்குவரத்து அதிகார சபையின் பணிப்பாளர் நாயகம் கப்டன் தமிந்த ரப்புக்வெல்ல தெரிவித்துள்ளார்.
விமானத்தின் முன்பகுதி வாவியின் அடிப்பகுதியிலுள்ள சேற்றில் புதைந்துள்ளதால், கடல் விமானத்தை வெளியே எடுப்பது மிகவும் சவாலான ஒன்றாக உள்ளதாக அவர் கூறினார்.
"முன்பகுதி சேற்றில் சிக்கியுள்ளதால், இந்த நேரத்தில் கடல் விமானத்தை நீரிலிருந்து அகற்றுவது மிகவும் கடினமாக உள்ளது" என்று கப்டன் ரப்புக்வெல்ல தெரிவித்தார்.
கிரகரி வாவியிலிருந்து விமானத்தை மீட்பதற்காக சம்பந்தப்பட்ட தரப்பினர் 'மாஸ்டர் டைவர்ஸ்' (Master Divers) தனியார் நிறுவனத்தின் உதவியைக் கோரியுள்ளதாகவும் அவர் குறிப்பிட்டார்.
துறைமுகங்கள் மற்றும் சிவில் விமானப் போக்குவரத்து அமைச்சின் தொடர்ச்சியான வழிகாட்டலின் கீழ், சர்வதேச விமானப் போக்குவரத்து தரநிலைகளுக்கு இணங்க விரிவான விசாரணையை மேற்கொள்வதற்காக அதிகார சபை ஒரு குழுவை நியமித்துள்ளது.
பாதுகாப்பு உத்தியோகத்தர்கள், பொதுமக்கள் மற்றும் கிரிகோரி ஏரியில் படகு சவாரி மற்றும் சுற்றுலாத் துறையில் ஈடுபட்டுள்ளவர்கள் உட்பட மீட்பு நடவடிக்கைக்கு உதவிய அனைத்து தரப்பினருக்கும் கப்டன் ரப்புக்வெல்ல நன்றிகளைத் தெரிவித்தார். மீட்புப் பணிகள் நிறைவடைந்த பின்னர், சீ-ப்ளேன் விமானம் கொழும்புக்கு கொண்டு செல்லப்படும் என்றும் அவர் கூறினார்.
விசாரணைகள் நிறைவடைந்தவுடன், கண்டறியப்பட்ட விடயங்கள் குறித்து அதிகார சபையினால் பொதுமக்களுக்கு அறிவிக்கப்படும் என்று அவர் மேலும் தெரிவித்தார்.
சினமன் எயார் நிறுவனத்தினால் இயக்கப்படும் 'செஸ்னா 208 கேரவன்' (Cessna 208 Caravan) ரக சீ-ப்ளேன் விமானம் கடந்த புதன்கிழமை (07) தரையிறங்க முற்பட்ட போது நுவரெலியா கிரகரி வாவியில் விபத்துக்குள்ளானது. விபத்துக்கான காரணத்தைக் கண்டறிய விசாரணைகள் தொடர்கின்றன.
