விசேட மின் கட்டணத் திருத்தம் குறித்த தீர்மானம் இன்று!

இன்று (09) அறிவிக்கப்படவுள்ளதாக பொதுப் பயன்பாடுகள் ஆணைக்குழு தெரிவித்துள்ளது.

இந்த ஆண்டின் இரண்டாம் காலாண்டிற்கான மின்சாரக் கட்டணத்தை அதிகரிப்பதற்கான திருத்தப்பட்ட மின் செலவு மதிப்பீட்டை நேஷனல் சிஸ்டம் ஓப்பரேட்டர் நிறுவனம் அண்மையில் பொதுப் பயன்பாடுகள் ஆணைக்குழுவிடம் சமர்ப்பித்திருந்தது.

எரிபொருள் விலை அதிகரிப்பினால் மின் உற்பத்திக்கான செலவு அதிகரித்துள்ளமையே இந்தக் கட்டண அதிகரிப்பு கோரிக்கைக்குக் காரணம் எனக் குறிப்பிடப்பட்டுள்ளது.

இது தொடர்பான வாய்மூல கருத்துக்களை முன்வைக்கும் சந்தர்ப்பமும் அண்மையில் நிறைவடைந்தது.

எவ்வாறாயினும், தரமற்ற நிலக்கரியினால் ஏற்படும் நஷ்டத்தை மின்சாரக் கட்டணத்தில் சேர்க்க நடவடிக்கை எடுக்கப் போவதில்லை என பொதுப் பயன்பாடுகள் ஆணைக்குழு அறிவித்துள்ளது.

இதேவேளை, 2026ஆம் ஆண்டின் இரண்டாம் காலாண்டிற்கான மின்சாரக் கட்டணத் திருத்தத்தை ஏப்ரல் 01ஆம் திகதி முதல் நடைமுறைப்படுத்துவதற்கு இலங்கை பொதுப் பயன்பாடுகள் ஆணைக்குழு அண்மையில் அனுமதி வழங்கியிருந்தது.

இதன்போது மின்சாரக் கட்டணங்கள் 8% முதல் 14.4% வரையான சதவீதத்தால் அதிகரிக்கப்பட்டமை குறிப்பிடத்தக்கது.