ஜனாதிபதி ரணில் விக்கிரமசிங்க, சிகிச்சைகளின் பின்னர் இன்று (09) முற்பகல் நாடு திரும்பியுள்ளார்.
சத்திரசிகிச்சையின் பின்னர் வைத்தியர்களின் கண்காணிப்பில் ஓய்வெடுத்து வந்த ரணில் விக்கிரமசிங்கவை, சித்திரை புத்தாண்டின் பின்னரே இலங்கை திரும்புமாறு அவரது நெருங்கிய ஆதரவாளர்கள் யோசனை தெரிவித்திருந்தனர்.
வஜிர அபேவர்தனவின் கருத்து:
எவ்வாறாயினும், கூடிய விரைவில் இலங்கை சென்று வீட்டிலிருந்தேனும் தனது அரசியல் பணிகளை முன்னெடுக்க வேண்டும் என்பதே ரணில் விக்கிரமசிங்கவின் விருப்பமாக இருந்ததாக ஐக்கிய தேசியக் கட்சியின் தவிசாளர் வஜிர அபேவர்தன தெரிவித்துள்ளார்.
"மக்கள் இக்கட்டான காலப்பகுதியை எதிர்கொண்டுள்ள வேளையில், தான் நாட்டில் இருக்க வேண்டும் என்பதே ரணிலின் நிலைப்பாடாகும்" என அவர் மேலும் குறிப்பிட்டார்.
முக்கிய சந்திப்பு:
சிங்கப்பூரில் ரணில் விக்கிரமசிங்க சத்திரசிகிச்சைக்கு உட்படுத்தப்பட்டிருந்த வேளையில், சிங்கப்பூரின் முன்னாள் வெளிவிவகார அமைச்சர் ஜோர்ஜ் இயோ (George Yeo Yong-Boon) கடந்த சில தினங்களுக்கு முன்னர் வைத்தியசாலைக்குச் சென்று அவரது நலம் விசாரித்திருந்தமை குறிப்பிடத்தக்கது.
இதய சத்திரசிகிச்சையை வெற்றிகரமாக முடித்துக்கொண்டு நாடு திரும்பியுள்ள முன்னாள் ஜனாதிபதி ரணில் விக்கிரமசிங்க, ஓய்வு எடுக்குமாறு விடுக்கப்பட்ட கோரிக்கைகளைத் தள்ளிவைத்துவிட்டு, நாட்டின் தற்போதைய அரசியல் சூழலைக் கருத்திற்கொண்டு மீண்டும் தனது பணிகளை ஆரம்பிக்கவுள்ளார்.
