அண்மையில் தாக்கிய 'டிட்வா' (Ditwa) சூறாவளி காரணமாகப் பாதிக்கப்பட்ட மக்களுக்கு நிவாரணங்களை வழங்கும் நோக்கோடனேயே இந்த உதவி வழங்கப்பட்டுள்ளது.
இந்த அரிசித் தொகுதியை கையளிக்கும் உத்தியோகபூர்வ நிகழ்வு இன்று (09) நடைபெற்றது. இதில் இலங்கையிலுள்ள மியன்மார் தூதுவர் மார்லர் தான் டைக்கும் (Marlar Than Htaik), வர்த்தக, வாணிப, உணவு பாதுகாப்பு மற்றும் கூட்டுறவு அபிவிருத்தி அமைச்சர் வசந்த சமரசிங்கவும் கலந்துகொண்டனர். இதன்போது தூதுவரினால் அமைச்சர் வசந்த சமரசிங்கவிடம் அரிசித் தொகுதி உத்தியோகபூர்வமாகக் கையளிக்கப்பட்டது.
இங்கு கருத்துத் தெரிவித்த அமைச்சர் வசந்த சமரசிங்க, 'டிட்வா' சூறாவளியின் தாக்கத்தினால் இந்நாட்டின் மொத்த விவசாய நிலங்களில் 20 சதவீதமானவை அழிவடைந்துள்ளதாகக் குறிப்பிட்டார்.
பாதிக்கப்பட்ட மக்களுக்கு ஏற்கனவே வழங்கப்பட்ட நிதி உதவிகளுக்கு மேலதிகமாக, மியன்மார் அரசாங்கம் இந்த 500 மெட்ரிக் தொன் அரிசியை மனிதாபிமான அடிப்படையில் நன்கொடையாக வழங்கியுள்ளதாக அவர் மேலும் தெரிவித்தார்.