இஸ்ரேலிய ட்ரோன் (Drone) தாக்குதல்களில் கொல்லப்பட்டுள்ளார்.
செய்தியாளர் கொல்லப்பட்டமை 'போர்நிறுத்த' உடன்படிக்கையின் கொடூரமான மீறலாகும்
அல் ஜசீரா முபாஷர் (Al Jazeera Mubasher) செய்தியாளர் முகமது விஷாஹ் (Mohammed Wishah) பயணித்த வாகனத்தை இலக்கு வைத்து இஸ்ரேல் இந்தத் தாக்குதலை நடத்தியுள்ளது.
காசா நகரின் பிரதான வீதியில் அவர் வாகனத்தை ஓட்டிச் சென்றுகொண்டிருந்த போதே இலக்கு வைக்கப்பட்டு மிகவும் கொடூரமான முறையில் கொல்லப்பட்டார்.
விஷாஹ்வின் மரணத்துடன், 2023 அக்டோபரில் போர் தொடங்கியதிலிருந்து இஸ்ரேலால் கொல்லப்பட்ட பாலஸ்தீன ஊடகவியலாளர்களின் எண்ணிக்கை 262 ஆக உயர்ந்துள்ளது.
இஸ்ரேலிய இராணுவத்தின் தொடர்ச்சியான 'போர்நிறுத்த' மீறல்களால் காசா நகரின் நிலைமை மிகவும் மோசமடைந்து வருகிறது.
அமெரிக்காவின் தலையீட்டுடன் எட்டப்பட்ட 'போர்நிறுத்தம்' நடைமுறைக்கு வந்து ஏறக்குறைய ஆறு மாதங்கள் ஆகின்றன.
இருப்பினும், போர் தொடங்கிய முதல் நாளிலிருந்தே இந்த இனப்படுகொலை போரை அறிக்கையிட்டு வந்த விஷாஹ் போன்ற ஊடகவியலாளர்களை இலக்கு வைப்பதன் மூலம் இஸ்ரேல் தனது மீறல்களைத் தொடர்ந்து வருகிறது.
இங்கு போர்நிறுத்தம் அமுலுக்கு வந்ததிலிருந்து இஸ்ரேலிய இராணுவம் சுமார் 2,000 மீறல்களைச் செய்துள்ளதாக காசா அரசாங்க ஊடக அலுவலகம் தெரிவித்துள்ளது.
காசா மீதான போரில் இஸ்ரேலால் குறைந்தது 262 ஊடகவியலாளர்கள் கொல்லப்பட்டுள்ளனர்
காசா அரசாங்க ஊடக அலுவலகம் வெளியிட்டுள்ள அறிக்கையின்படி, அல் ஜசீரா செய்தியாளர் முகமது விஷாஹ் (Mohammed Wishah) கொல்லப்பட்டதைத் தொடர்ந்து, காசா மீது இஸ்ரேல் போரைத் தொடங்கியதிலிருந்து கொல்லப்பட்ட ஊடகவியலாளர்களின் எண்ணிக்கை 262 ஆக உயர்ந்துள்ளது.
காசா அரசாங்க ஊடக அலுவலகம் வெளியிட்டுள்ள அறிக்கையில், "இஸ்ரேலிய ஆக்கிரமிப்புப் படைகளால் பாலஸ்தீன ஊடகவியலாளர்கள் திட்டமிட்ட முறையில் இலக்கு வைக்கப்படுவதையும், படுகொலை செய்யப்படுவதையும்" வன்மையாகக் கண்டித்துள்ளது.
"இந்தக் கொடூரமான மற்றும் காட்டுமிராண்டித்தனமான குற்றங்களைச் செய்தமைக்காக இஸ்ரேலிய ஆக்கிரமிப்பு, அமெரிக்க நிர்வாகம் மற்றும் இந்த இனப்படுகொலை குற்றத்திற்கு உடந்தையாக இருக்கும் ஐக்கிய இராச்சியம், ஜெர்மனி மற்றும் பிரான்ஸ் போன்ற நாடுகளே முழுப் பொறுப்பேற்க வேண்டும்" என்று அந்த அறிக்கை மேலும் குறிப்பிட்டுள்ளது.