செய்து, சடலத்தைத் துண்டு துண்டாக வெட்டி உரம் பையில் பொதி செய்து, வீட்டின் அருகிலிருந்த மலசலக்கூடக் குழியில் வீசியதாகக் கூறப்படும் பெண்ணொருவரை மன்னார் பொலிஸார் கைது செய்துள்ளனர்.
இவ்வாறு கைது செய்யப்பட்டவர் 30 வயதுடைய கண்ணன் நிரோஜினி என்ற பெண்ணாவார். இக்கொலையில் உயிரிழந்தவர் 35 வயதுடைய அருள் ஜெயா ரொய்ஸ்வனே ரேவல் என்பவராவார்.
இக்கொலைச் சம்பவத்தின் பின்னர் குறித்த பெண் மன்னார் பொலிஸில் சரணடைந்துள்ளார். உயிரிழந்த நபரும் சந்தேக நபரான பெண்ணும் மன்னார், மூர்வீதி, அயன் தியேட்டர் பகுதியில் உள்ள வாடகை வீடொன்றில் வசித்து வந்துள்ளனர்.
உயிரிழந்த நபர் தினமும் மது அருந்திவிட்டு வந்து தகராறில் ஈடுபடுவதாகவும், கடந்த 4 ஆம் திகதி மதுபோதையில் வந்து ஏற்பட்ட தகராறின் போது, அந்தப் பெண் தனது கள்ளக்காதலனைத் தடியால் தாக்கியுள்ளார். இதில் அவர் நிலத்தில் விழுந்து உயிரிழந்துள்ளார்.
அதன்பின்னர், செய்வதறியாது திகைத்த அந்தப் பெண், உயிரிழந்த நபரின் தலை, கைகள், கால்கள் என உடலைத் துண்டு துண்டாக வெட்டி, உரம் பையொன்றில் போட்டு வீட்டின் அருகிலுள்ள மலசலக்கூடக் குழியில் வீசியுள்ளமை விசாரணைகளில் தெரியவந்துள்ளது.
இவர்கள் இருவருக்கும் இடையில் கடந்த ஐந்து வருடங்களாகத் தொடர்பு இருந்துள்ளதோடு, அவர்களுக்கு ஐந்து வயதுடைய பிள்ளையொன்று இருப்பதும் கண்டறியப்பட்டுள்ளது.
சந்தேக நபரான பெண்ணின் சகோதரி வழங்கிய தகவலின் அடிப்படையில், மன்னார் பொலிஸார் சந்தேக நபரான பெண்ணிடம் விசாரணை நடத்தி இக்குற்றத்தை வெளிப்படுத்தியுள்ளனர்.
இச்சம்பவம் குறித்து மன்னார் நீதவான் நீதிமன்றத்தில் அறிக்கை சமர்ப்பிக்கப்பட்டுள்ளதுடன், மன்னார் நீதிமன்ற வைத்திய அதிகாரி முன்னிலையில் சடலத்தைத் தோண்டி எடுப்பதற்கான நடவடிக்கைகள் எடுக்கப்பட்டுள்ளன. பின்னர் சடலம் பிரேதப் பரிசோதனைக்காக வைத்தியசாலையின் பிணவறைக்குக் கொண்டு செல்லப்பட்டுள்ளது.