மணித்தியாலங்களில் ஒரு காற்றழுத்த தாழ்வு நிலையாக வலுவடையக்கூடும்.
இன்று (06) பிற்பகல் 2 மணிக்கு வானிலை ஆய்வுத் திணைக்களம் விடுத்த அறிக்கையின்படி, இந்தத் தொகுதியானது மேற்கு நோக்கி நகர்ந்து வடமேற்கு திசையில் பயணிக்கவுள்ளதுடன், இது தீவின் கிழக்குக் கடற்கரையை வந்தடையும் என எதிர்பார்க்கப்படுகிறது.
இது தொடர்பாக வானிலை ஆய்வுத் திணைக்களம் அவ்வப்போது வெளியிடும் முன்னறிவிப்புகள் மற்றும் அறிவிப்புகள் குறித்து மீன்பிடி மற்றும் கடற்படை சமூகம் அவதானத்துடன் இருக்குமாறு கேட்டுக்கொள்ளப்படுகிறார்கள்.
காங்கேசன்துறையிலிருந்து திருகோணமலை மற்றும் பொத்துவில் ஊடாக மாத்தறை வரையான கடற்பரப்புகளில் ஆங்காங்கே மழை பெய்யக்கூடும். தீவைச் சுற்றியுள்ள ஏனைய கடற்பரப்புகளில் மாலை அல்லது இரவு வேளையில் ஆங்காங்கே மழை அல்லது இடியுடன் கூடிய மழை பெய்யக்கூடும்.
காற்று வடகிழக்கு திசையிலிருந்து வீசும். காற்றின் வேகம் மணிக்கு 30-40 கிலோமீட்டர் வரை காணப்படும்.
பேருவலையிலிருந்து கொழும்பு, புத்தளம், காங்கேசன்துறை, திருகோணமலை மற்றும் பொத்துவில் ஊடாக மாத்தறை வரையான கடற்பரப்புகளில் காற்றின் வேகம் அவ்வப்போது மணிக்கு 50-60 கிலோமீட்டர் வரை அதிகரிக்கக்கூடும்.
பேருவலையிலிருந்து கொழும்பு, புத்தளம், காங்கேசன்துறை, திருகோணமலை மற்றும் பொத்துவில் ஊடாக மாத்தறை வரையான கடற்பரப்புகள் அவ்வப்போது கொந்தளிப்பாகக் காணப்படும்.
நாட்டைச் சுற்றியுள்ள ஏனைய கடற்பரப்புகள் ஓரளவு கொந்தளிப்பாகக் காணப்படும். அதேவேளை, காங்கேசன்துறையிலிருந்து திருகோணமலை ஊடாக பொத்துவில் வரையான கடற்பரப்புகளில் கடல் அலைகள் 2.5 – 3.0 மீற்றர் வரை உயரக்கூடும் என எதிர்பார்க்கப்படுகிறது.
இதேவேளை, மத்திய மாகாணத்தின் மூன்று இடங்களுக்கு மண்சரிவு சிவப்பு எச்சரிக்கை
தேசிய கட்டிட ஆராய்ச்சி நிறுவனம் (NBRO) மத்திய மாகாணத்தின் இரண்டு மாவட்டங்களில் உள்ள மூன்று இடங்களுக்கு 'வெளியேறுவதற்கான' மண்சரிவு சிவப்பு எச்சரிக்கையை விடுத்துள்ளது.
அதன்படி, கண்டி மாவட்டத்தின் உடுதும்பர, நுவரெலியா மாவட்டத்தின் நில்தண்டாஹின்ன மற்றும் வலப்பனை ஆகிய இடங்களுக்கு இந்த சிவப்பு எச்சரிக்கை பொருந்தும்.
இந்த அறிவித்தல் இன்று (06) நண்பகல் 12 மணிக்கு வெளியிடப்பட்டுள்ளதுடன், இது அடுத்த 24 மணித்தியாலங்களுக்கு செல்லுபடியாகும்.
இதேவேளை, மூன்று மாவட்டங்களுக்கு மண்சரிவு குறித்த 'அவதானம்' (Level 2) எச்சரிக்கையும், மேலும் 4 மாவட்டங்களுக்கு மண்சரிவு குறித்த 'விழிப்புணர்வு' (Level 1) எச்சரிக்கையும் விடுக்கப்பட்டுள்ளன.
அந்தப் பிரதேசங்கள் பின்வருமாறு:
எச்சரிக்கை மட்ட நிலை 3 - வெளியேறுங்கள் (சிவப்பு)
கண்டி மாவட்டம்: உடுதும்பர (Ududumbara)
நுவரெலியா மாவட்டம்: நில்தண்டாஹின்ன (Nildandahinna), வலப்பனை (Walapane)
எச்சரிக்கை மட்ட நிலை 2 - அவதானமாக இருங்கள்
பதுளை மாவட்டம்: கந்தகெட்டிய (Kandaketiya)
மாத்தளை மாவட்டம்: வில்கமுவ (Wilgamuwa)
நுவரெலியா மாவட்டம்: ஹங்குரன்கெத்த (Hanguranketha), மதுரட்ட (Mathurata)
எச்சரிக்கை மட்ட நிலை 1 - விழிப்புடன் இருங்கள்
பதுளை மாவட்டம்: பதுளை, ஹாலி-எல, பஸ்ஸரை, லுணுகலை, வெலிமடை, மீகஹகிவுல
கண்டி மாவட்டம்: தொலுவ (Doluwa)
மாத்தளை மாவட்டம்: அம்பன்கங்க கோரளை (Ambanganga Korale)
மொனராகலை மாவட்டம்: பிபிலை (Bibile)