இலங்கையின் மதுபான நுகர்வு குறித்து புதிய தகவல்!

தெரியவந்துள்ளதாக மதுபானம் மற்றும் போதைப்பொருள் தகவல் மையம் (ADIC) தெரிவித்துள்ளது.

2025ஆம் ஆண்டு தரவுகளின்படி:

• பியர் (Beer) உற்பத்தி 5% ஆல் அதிகரித்துள்ளது.

• ஏனைய மதுபான உற்பத்தி 17% ஆல் அதிகரித்துள்ளது. இதன் மூலம் மதுபான நுகர்வு உயர்வடைந்துள்ளமை அவதானிக்கப்பட்டுள்ளதாக அந்த மையம் சுட்டிக்காட்டியுள்ளது.

விலை மற்றும் நுகர்வுக்கான காரணங்கள்:

2024ஆம் ஆண்டு ஆரம்பத்தில் மேற்கொள்ளப்பட்ட வரித் திருத்தத்திற்குப் பின்னர், இதுவரை மதுபான விலைகளில் மாற்றங்கள் ஏற்படாததே இந்த நிலைக்கு முக்கிய காரணமாகும்.

பணவீக்கம் மற்றும் தனிநபர் வருமான அதிகரிப்புடன் ஒப்பிடுகையில், மதுபான விலைகள் நிலையாக இருப்பதால், மக்கள் மதுபானம் வாங்கும் திறன் (Affordability) அதிகரித்துள்ளதாக அவர்கள் சுட்டிக்காட்டுகின்றனர்.

சமூக மற்றும் பொருளாதார தாக்கம்:

இந்தக் காலப்பகுதியில் மதுவரி வருமானம் ஓரளவுக்கு அதிகரித்துள்ள போதிலும், அதன் மூலம் ஏற்படும் சுகாதார மற்றும் சமூகப் பாதிப்புகள் வரி வருமானத்தை விடவும் பாரதூரமானது என அந்த மையம் எச்சரிக்கிறது.

கடந்த கால புள்ளிவிபர ஒப்பீடு:

• 2023: மதுபான வரி 20% ஆல் அதிகரிக்கப்பட்டபோது, 2022 உடன் ஒப்பிடுகையில் விற்பனை 8.3 மில்லியன் லீற்றர்களால் குறைந்தது. அதேநேரம் வரி வருமானம் 11.6 பில்லியன் ரூபாவினால் அதிகரித்தது.

• 2024: மதுபான வரி மீண்டும் 20% ஆல் அதிகரிக்கப்பட்டதன் விளைவாக, விற்பனை மேலும் 430,000 லீற்றர்களால் வீழ்ச்சியடைந்தது. எனினும் வரி வருமானம் 42.15 பில்லியன் ரூபாவினால் அதிகரித்திருந்தது.