தொகைமதிப்பு மற்றும் புள்ளிவிபரத் திணைக்களம் (Department of Census and Statistics) தெரிவித்துள்ளது.
2025ஆம் ஆண்டுக்கான தொகைமதிப்பு மற்றும் புள்ளிவிபரத் திணைக்களத்தின் தரவுகளின்படி, நாடு முழுவதும் மொத்தம் 10,047 பாடசாலைகள் உள்ளதாகக் குறிப்பிடப்பட்டுள்ளது.
அந்தப் பாடசாலைகளில் 3,065 பாடசாலைகளில் ஆசிரியர்களின் எண்ணிக்கை 10 க்கும் குறைவாகவே உள்ளதாகத் தொகைமதிப்பு மற்றும் புள்ளிவிபரத் திணைக்களம் சுட்டிக்காட்டியுள்ளது.
இவ்வாறு குறைந்த எண்ணிக்கையிலான ஆசிரியர்களைக் கொண்ட பாடசாலைகளில் ஒரு தேசியப் பாடசாலையும் (National School) உள்ளடங்குவதாகத் தெரிவிக்கப்படுகிறது.
மேலும், நாடு முழுவதும் உள்ள 1,645 அரச பாடசாலைகளில் மாணவர்களின் எண்ணிக்கை 50 க்கும் குறைவாக உள்ளதாகத் தொகைமதிப்பு மற்றும் புள்ளிவிபரத் திணைக்களம் தெரிவித்துள்ளது.
50 க்கும் குறைவான மாணவர்களைக் கொண்ட இந்தப் பாடசாலைகளில் ஒரு தேசியப் பாடசாலையும் ஏனைய 1,644 பாடசாலைகள் மாகாணப் பாடசாலைகளும் (Province Schools) ஆகும்.
அத்துடன், 51 முதல் 100 வரையான மாணவர்களைக் கொண்ட 1,648 அரச பாடசாலைகள் உள்ளதோடு, இவை அனைத்தும் மாகாணப் பாடசாலைகள் எனக் குறிப்பிடப்பட்டுள்ளது.
இதேவேளை, 2024ஆம் ஆண்டுடன் ஒப்பிடுகையில், 2025 ஆம் ஆண்டில் முதலாம் தரத்திற்கு அரச பாடசாலைகளில் அனுமதிக்கப்பட்ட மாணவர்களின் எண்ணிக்கை வீழ்ச்சியடைந்துள்ளது.
2025ஆம் ஆண்டில் முதலாம் தரத்திற்கு இரண்டு இலட்சத்து 66,281 (266,281) மாணவர்கள் அனுமதிக்கப்பட்டுள்ளதாகத் தொகைமதிப்பு மற்றும் புள்ளிவிபரத் திணைக்களம் மேலும் குறிப்பிட்டுள்ளது.