பாடசாலைகளுக்கு வருகை தந்துள்ளனர். எனினும், அவர்களின் கல்வி நடவடிக்கைகளுக்காக அரசாங்கத்தினால் முறையான எவ்வித திட்டங்களும் அறிமுகப்படுத்தப்படவில்லை என அதிபர் தர உத்தியோகத்தர் சங்கத்தின் பொதுச் செயலாளர் நிமல் முதுன்கொடுவ தெரிவித்துள்ளார்.
தரம் 6 க்கான கல்வி நடவடிக்கைகள் உத்தியோகபூர்வமாக 21ஆம் திகதியே ஆரம்பிக்கப்படும் என அரசாங்கத் தரப்பில் தெரிவிக்கப்பட்டுள்ளதாகவும், அதுவரை மாணவர்களுக்குக் கற்பிப்பதற்கு பாடத்திட்டங்கள் இல்லாததால் ஆசிரியர்களும் அதிபர்களும் அசௌகரியங்களுக்கு உள்ளாகியுள்ளதாகவும் அவர் குறிப்பிட்டுள்ளார்.
பாடசாலைகள் ஆரம்பிக்கப்படும் தினத்தில் அரசாங்கத்தினால் பாடசாலைகளுக்கு வழங்கப்பட வேண்டிய ஆவணங்கள் சில உள்ளதாகவும், அவற்றில் மாணவர் பெயர்ப்பட்டியல் (Register) முதன்மையானது என்றும் குறிப்பிட்ட அவர், வரலாற்றில் முதல் முறையாக பாடசாலை ஆரம்பமான தினத்திலும் 2026ஆம் ஆண்டிற்கான பெயர்ப்பட்டியல்கள் கிடைக்கவில்லை என மேலும் தெரிவித்தார்.
அதேபோல், சர்ச்சைக்குள்ளாகியுள்ள தரம் 6 கல்விச் சீர்திருத்தங்களின் 'மொடியுல்கள்' (Modules) தொடர்பாகப் பல பிரச்சினைகள் காணப்படுவதாகவும், அவற்றை எழுதுவதற்காகத் தெரிவு செய்யப்பட்டவர்கள் தகுதியானவர்களா என்பதே பிரதான கேள்வி எனவும் அவர் சுட்டிக்காட்டினார்.
அதிபர் தர உத்தியோகத்தர் சங்கத்தின் பொதுச் செயலாளர் நிமல் முதுன்கொடுவ மேலும் கருத்துத் தெரிவிக்கையில்:
"சர்ச்சைக்குரிய இந்த மொடியுல்கள் தொடர்பாக அரசாங்கம் எடுத்துள்ள தீர்வு, அந்தப் பக்கங்களை அகற்றுவதாகும். தற்போது சமூக வலைத்தளங்களில் சாதாரண குடிமக்கள் இந்த மொடியுல்களை அவதானித்து, அவற்றில் உள்ள பெருமளவிலான குறைபாடுகளைச் சுட்டிக்காட்டி வருகின்றனர். சில மொடியுல்களில் நூற்றுக்கணக்கான இலக்கணப் பிழைகள் காணப்படுவதை நாம் கண்டோம். அப்படியாயின், மேலும் பிரச்சினைகள் எழும்போதும் அந்தப் பக்கங்களையும் அகற்றுவதுதான் அரசாங்கத்தின் தீர்வா என நாம் கேட்கிறோம். சர்ச்சைக்குரிய 8 இலட்சம் பக்கங்களை அகற்ற வேண்டியுள்ளது. அதை யார் செய்வது? எப்படிச் செய்வது? என்று எமக்குத் தெரியவில்லை.
மறுபுறம், பக்கங்களை அகற்றுவதால் எந்தப் பயனும் இல்லை. ஏனெனில் இதன் PDF கோப்பு ஏற்கனவே வெளியாகியுள்ளது. எனவே அறிய வேண்டிய அனைவரும் இவற்றை அறிந்துவிட்டனர். பக்கங்களை அகற்றுவதில் எந்த அர்த்தமும் இல்லை. மொடியுல்களில் மேலும் பிரச்சினைகள் இருந்தால், அங்கும் பக்கங்களை அகற்றுவதுதான் அரசாங்கத்தின் தீர்வா என்பதை அறிய விரும்புகிறோம்."